بھارت کے شہر گروگرام میں ایک 25 سالہ خاتون کو شادی کی پیشکش مسترد کرنے پر کلب میں گولی مار کر موت کے گھاٹ اتاردیا گیا۔
واقع ایک کلب میں پیش آیا، پولیس کو اطلاع ملی کہ ایک خاتون فائرنگ کے واقعے میں زخمی ہوگئی ہیں، جس کے بعد انہیں علاج کےلیے فوری طور پر اسپتال منتقل کیا گیا۔
خاتون کے شوہر نے شکایت درج کروائی کہ ان کی بیوی کلب میں کام کرتی ہیں اور تشر نامی شخص نے انہیں گولی مار دی ہے۔
شوہر کے مطابق ان کی بیوی 19 دسمبر کی رات کام پر گئی تھیں اور تقریباً 1 بجے انہیں فون کر کے بتایا کہ انہیں گولی ماری گئی ہے۔
انہوں نے مزید بتایا کہ تقریباً ایک ماہ قبل تشر ان کے گھر آیا، جھگڑا کیا اور چلا گیا۔
اتر پردیش: خاتون کا عاشق کیساتھ مل کر شوہر کا قتل، لاش کے ٹکڑے نالے اور گنگا دریا میں پھینک دیے
بھارتی ریاست اتر پردیش میں اپنے عاشق کے ساتھ مل کر شوہر کو پہلے قتل اور بعد ازاں اس کی لاش کے ٹکرے نالی اور گنگا دریا میں بہانے والی خاتون کو ملزم سمیت گرفتار کر لیا گیا۔
پولیس نے شکایت کی بنیاد پر ایف آئی آر درج کر لی، تحقیقات کے دوران پولیس نے ملزم اور اس کے دوست کو اتر پردیش سے گرفتار کرلیا۔
پولیس کے مطابق تشر نے ابتدائی پوچھ گچھ میں بتایا کہ وہ تقریباً چھ ماہ قبل متاثرہ خاتون کا دوست بنا اور اس سے شادی کرنا چاہتا تھا، لیکن خاتون نے بار بار انکار کیا۔
پولیس کا کہنا ہے کہ واقعے کی رات تشر شبھم کے ساتھ کلب گیا، دوبارہ شادی کی پیشکش کی اور جب خاتون نے انکار کیا تو اس پر فائرنگ کر دی۔
Post time 2025-12-27 18:39:09
تصویر:بھارتی میڈیا 
