صوبے بنانے ہیں تو زمینی حقائق کو مدِنظر رکھ کر بنائے جائیں، مولانا فضل الرحمان

slotcosino

  فوٹو/ فیس بک  

جمعیت علماء اسلام （جے یو آئی） کے سربراہ مولانا فضل الرحمان نے کہا ہے کہ انتظامی بنیاد پر زمین ہموار کیے بغیر صوبے بنانے کی سوچ غلط ہے۔ اگر صوبے بنانے ہیں تو زمینی حقائق کو مدِنظر رکھ کر بنائے جائیں۔

رحیم یار خان میں پریس کانفرنس کرتے ہوئے مولانا فضل الرحمان نے حکومت اور پی ٹی آئی کی مذاکرات پر آمادگی کو مثبت قدم قرار دیا۔   
پی ایچ ڈی کی اعزازی ڈگری کے باوجود مولانا کہلانا پسند کروں گا: مولانا فضل الرحمٰن

فضل الرحمان نے کہا 26 ویں ترمیم اتفاق رائے سے منطور ہوئی ہے متنازع بنانا درست نہیں،27ویں ترمیم یک طرفہ ہوئی، جبر سے دو تہائی اکثریت بنائی گئی۔   

سربراہ جے یو آئی نے مزید کہا کہ پاکستان میں صدارتی نظام ناکام ہو چکا ہے۔ ادارے آئینی حدود میں کام کریں تو اسے خوش آئند کہیں گے۔

فضل الرحمان نے کہا کہ مدارس رجسٹریشن قانون پر نہ وفاق اور نہ صوبوں میں عملدرآمد ہو رہا ہے، پاکستان میں صدارتی نظام ناکام ہو چکا ہے، اگر الیکشن میرٹ پر ہوتے تو مہنگائی اور استحصالی نظام نہ ہوتا۔

انہوں نے کہا کہ آزادی اظہار اور حق کے لیے احتجاج ہر شہری کا حق ہے۔