سینئر قانون دان قاضی انور ایڈووکیٹ نے بانی پاکستان تحریک انصاف （پی ٹی آئی） کی بہن علیمہ خان سے معافی مانگ لی، انہوں نے علیمہ خان سے وائس میسج کے ذریعے معافی مانگی۔
قاضی انور نے کہا کہ علیمہ خان، آپ سے عزت کے ساتھ معافی مانگتا ہوں، میں نے غلط اطلاعات پر آپ کے متعلق الفاظ ادا کیے، جس پر شرمندہ ہوں۔
علیمہ خان کی گرفتاری کیلئے راولپنڈی پولیس کی ٹیم لاہور روانہ
26 نومبر کے احتجاج پر قائم مقدمے میں ناقابلِ ضمانت وارنٹِ گرفتاری کے معاملے پر راولپنڈی پولیس نے بانیٔ پاکستان تحریکِ انصاف （پی ٹی آئی） کی بہن علیمہ خان کی گرفتاری کے لیے ٹیم لاہور روانہ کر دی۔
ایڈووکیٹ قاضی انور نے کہا کہ میرے لیے علیمہ خان بہتر اور قابل احترام ہیں، بانی پی ٹی آئی میرے لیڈر ہیں، ان کی بہنوں کی شان میں گستاخی نہیں ہونی چاہیے۔
خیال رہے کہ قاضی انور نے گزشتہ دنوں صوبائی صدر انصاف لائر فورم اور پارٹی رکنیت سے استعفیٰ دیا تھا، قاضی انور ایڈووکیٹ نے استعفیٰ کے بعد ایک نجی ٹاک شو میں علیمہ خان سے متعلق گفتگو کی تھی۔
قاضی انور نے کہا تھا کہ علیمہ خان کو پتا نہیں مجھ سے کیا مسئلہ ہے، علیمہ خان کے کہنے پر پی ٹی آئی قیادت نے میرے ساتھ برا سلوک کیا۔
Post time 2025-12-27 19:54:49
علیمہ خان: فائل فوٹو 
