مشہور امریکی کامیڈی اداکار پیٹ فن 60 برس کی عمر میں چل بسے۔
امریکی ویب سائٹ ٹی ایم زیڈ کے مطابق پیٹ فن کافی عرصے سے کینسر کے مرض میں مبتلا تھے۔
برطانوی اخبار دی مرر کی رپورٹ کے مطابق پیٹ فن کو 2022 میں کینسر کے خلاف جدوجہد کے بعد وقتی طور پر صحت یاب قرار دیا گیا تھا، تاہم بعد ازاں یہ مرض دوبارہ لوٹ آیا اور جسم کے دیگر حصوں تک پھیل گیا۔
ہالی ووڈ کے معروف اداکار مائیکل میڈسن چل بسے
پولیس نے بتایا کہ ان کی موت کی وجہ دل کا دورہ （cardiac arrest） بنی اور کسی قسم کی مشتبہ کارروائی کا کوئی ثبوت نہیں ملا۔
پیٹ فن کو خاص طور پر اے بی سی کے مقبول سٹ کام ’دی مڈل‘ میں بل نورووڈ کے کردار کے لیے یاد رکھا جائے گا، جو انہوں نے 2011 سے 2018 تک ادا کیا، پیٹ فن کی پیدائش ایوانسٹن، الینوائے میں ہوئی۔
پیٹ فن نے مرفی براؤن، سین فیلڈ اور دیگر مشہور شوز میں بھی اداکاری کی، سال 2000 میں انہوں نے فرینڈز کی دو اقساط میں مونیکا （کورٹنی کاکس） کے بوائے فرینڈ ڈاکٹر راجر کا کردار نبھایا، جو ناظرین کو آج بھی یاد ہے۔
Post time 2025-12-28 02:27:06
فائل فوٹو 
