|
|
وزیر اعلیٰ خیبر پختونخوا سہیل آفریدی کا کہنا ہے کہ وہ پارٹی اسیران سے اظہار یکجہتی کے لیے ان کے گھروں پر جا رہے ہیں۔
لاہور میں میڈیا سے گفتگو کرتے ہوئے سہیل آفریدی نے کہا کہ حکومت کے ساتھ ڈائیلاگ کی ذمے داری تحریک تحفظ آئین کی ہے، میری ذمے داری ہے کہ اسٹریٹ موومنٹ چلاؤں، یہ تحریک بھرپور انداز میں چلائیں گے۔ 
وزیرِ اعلیٰ خیبر پختونخوا سہیل آفریدی کو پنجاب اسمبلی میں داخلے کی اجازت مل گئی
سہیل آفریدی اور ان کے وفد کی مکمل فہرست اسمبلی سیکیورٹی کو فراہم کردی گئی، پنجاب اسمبلی میں سہیل آفریدی اپوزیشن ارکان سے ملاقات اور خطاب کریں گے۔ 
وزیر اعلیٰ خیبر پختونخوا لاہور میں پارٹی کے اسیر رہنما شاہ محمود قریشی، یاسمین راشد اور اعجاز چوہدری کے گھر پہنچے۔
سہیل آفریدی نے شاہ محمود قریشی کے بیٹے زین قریشی اور بیٹی مہر بانو قریشی سے ملاقات بھی کی۔ |
|
Post time 2025-12-28 04:22:02