سری لنکا کے ساتھ ٹی ٹوئنٹی سیریز کے لیے تجربہ کار بولنگ آل راؤنڈر شاداب خان کو تو اسکواڈ میں شامل کر لیا گیا تاہم چند نوجوان کھلاڑی جگہ بنانے سے محروم رہ گئے۔
شاداب خان کو کندھے کی سرجری کے بعد ٹی ٹوئنٹی اسکواڈ میں شامل کیا گیا۔ لیگ اسپنر اس وقت بیگ بیش لیگ میں بھی اپنی صلاحیتوں کو جوہر دکھا رہے ہیں۔
آل راؤنڈر کے علاوہ، وکٹ کیپر بلے باز خواجہ نافع کو بھی پہلی بار ٹی ٹوئنٹی اسکواڈ میں شامل کیا گیا ہے۔ سلمان علی آغا پاکستانی ٹیم کی قیادت کریں گے۔
شاداب خان کی ٹی ٹوئنٹی اسکواڈ میں واپسی پر سابق کپتان راشد لطیف نے سوال اٹھا دیا۔
سماجی رابطے کی ویب سائٹ ’’ایکس‘‘ پر انہوں نے اپنی پوسٹ پر سوال اٹھایا کہ ’’سری لنکا کے ساتھ سیریز کے لیے پاکستان کے ٹی ٹوئنٹی اسکواڈ میں شاداب خان تو شامل کر لیا گیا لیکن ڈومسٹک میں بہترین کارکردگی دکھانے والے سفیان مقیم اور معاذ صداقت کو نظر انداز کر دیا گیا۔‘‘
مزید پڑھیں
سری لنکا کیساتھ ٹی20 سیریز کیلیے اسکواڈ کا اعلان، اہم کھلاڑی کی واپسی
دورہ سری لنکا کیلیے قومی ٹیم کا اعلان جلد متوقع، اہم کھلاڑی کی واپسی یقینی
پاکستان ٹیم کے دورہ سری لنکا کے شیڈول کا اعلان
Shadab Khan returns as Pakistan name T20I squad for Sri Lanka series but Domestic performers Maaz Sadaqat and Sufyan Muqeem missing. pic.twitter.com/Fv1jMGApGQ — Rashid Latif | （@iRashidLatif68） December 28, 2025
شاداب خان کی ٹی ٹوئنٹی اسکواڈ میں واپسی پر سوشل میڈیا پر ٹاپ ٹریند بنا رہا، ان کی شمولیت کے حوالے سے سابق کپتان نے سوال بھی اٹھایا۔
واضح رہے کہ تین ٹی ٹوئنٹی انٹرنیشنل میچز 7 جنوری، 9 اور 11 جنوری کو کھیلے جائیں گے۔
Post time 2025-12-28 20:36:33
