|
|
 فوٹو بشکریہ غیر ملکی میڈیا
ایران کے صدر مسعود پزشکیان نے کہا ہے کہ اسرائیل اور امریکا نے دوبارہ ایران پر حملہ کیا تو زیادہ فیصلہ کن جواب دیں گے۔
غیر ملکی خبر رساں ادارے کے مطابق ایک انٹرویو میں انہوں نے کہا کہ ایران کے خلاف امریکا، اسرائیل اور یورپ مکمل جنگ لڑ رہے ہیں۔
مسعود پزشکیان کا کہنا تھا کہ یہ جنگ اس سے بھی بدتر ہے جو عراق نے ہمارے خلاف شروع کی تھی، غور کرنے پر واضح ہوتا ہے کہ یہ کہیں زیادہ پیچیدہ اور مشکل ہے۔
یہ بھی پڑھیے
- 2025، پانچ بڑے عالمی تنازعات، ایران اسرائیل سے پاکستان بھارت تک
- ایران اسرائیل جنگ: 12 روز کے دوران کس ملک کو کتنا نقصان اٹھانا پڑا؟
واضح رہے کہ رواں سال جون میں اسرائیل نے ایران پر جارحیت شروع کی اور یہ جنگ 12 دن تک جاری رہی جس کے دوران ایران میں فوجی افسران اور جوہری سائنسدانوں سمیت 400 سے زائد شہادتیں ہوئی تھیں۔
تاہم ایران کی زبردست جوابی کارروائی کے باعث صہیونی ریاست سیز فائر پر مجبور ہوئی۔
اعداد و شمار کے مطابق اگر صرف جنگی اخراجات کا جائزہ لیا جائے تو اسرائیل کا جنگ میں یومیہ خرچ 205 ارب روپے تھا، اسرائیل کو مجموعی طور پر 8.7 بلین ڈالرز کا نقصان ہوا جبکہ ایران کو پہنچنے والے مالی نقصان کا تخمینہ بھی اربوں ڈالرز میں لگایا گیا تھا۔ |
|
Post time 2025-12-29 16:07:16