خیبر پختونخوا اسمبلی کے اسپیکر بابر سلیم سواتی نے پنجاب اسمبلی کے اسپیکر ملک احمد خان کو احتجاجی خط ارسال کیا ہے۔
خط میں پنجاب اسمبلی کے دورے کے دوران پیش آنے والے افسوسناک واقعے پر شدید تشویش کا اظہار کیا ہے۔
خواجہ آصف کی سہیل آفریدی کو مل کر مذمت اور سدباب کرنے کی دعوت
وزیر دفاع خواجہ محمد آصف نے وزیر اعلیٰ خیبرپختونخوا سہیل آفریدی کو مل کر مذمت اور سدباب کرنے کی دعوت دیدی۔
خط میں کہا گیا ہے کہ وزیرِاعلیٰ خیبر پختونخوا کی سربراہی میں آنے والے وفد کو پنجاب اسمبلی میں غیر پیشہ ورانہ رویے اور غیر ضروری رکاوٹوں کا سامنا کرنا پڑا، جو پارلیمانی روایات کے منافی ہے۔
اسپیکر خیبر پختونخوا اسمبلی نے خط میں کہا کہ وزیر اعلیٰ سہیل آفریدی اور ان کے وفد کے اراکین کو بار بار سیکیورٹی چیک، جارحانہ سوالات اور جسمانی روک تھام جیسے حالات کا سامنا کرنا پڑا، جو کسی بھی جمہوری اور مہذب نظام میں ناقابل قبول ہے۔
پنجاب حکومت اخلاقی و ذہنی پستی کی شکار، رویہ غیر جمہوری ہے، وزیراعلیٰ سہیل آفریدی
وزیراعلیٰ خیبرپختونخوا سہیل آفریدی نے کہا ہے کہ پنجاب حکومت اخلاقی و ذہنی پستی کی شکار، رویہ غیر جمہوری اورقابل مذمت ہے۔
خط میں اس امر پر بھی تشویش ظاہر کی گئی کہ سیکیورٹی اہلکاروں کی جانب سے بعض اراکین کو دھکے دیے گئے اور نامناسب رویہ اختیار کیا گیا، جس سے پارلیمانی وقار مجروح ہوا۔
اسپیکر خیبر پختونخوا اسمبلی نے اس بات پر بھی افسوس کا اظہار کیا کہ کچھ افراد نے خود کو صحافی ظاہر کرتے ہوئے ماحول کو کشیدہ بنانے کی کوشش کی، جس سے سرکاری دورے کی سنجیدگی متاثر ہوئی۔
ان کا کہنا تھا کہ صوبائی اسمبلیاں آئینی ادارے ہیں اور ان کے درمیان روابط باہمی احترام، تحمل اور پارلیمانی آداب کے تحت ہونے چاہئیں۔
خط میں مطالبہ کیا گیا کہ اس واقعے کی مکمل اور شفاف تحقیقات کی جائیں، ذمے دار عناصر کا تعین کیا جائے اور آئندہ ایسے واقعات کی روک تھام کے لیے واضح ہدایات جاری کی جائیں۔
ان کا کہنا تھا کہ اگر اس نوعیت کے واقعات کو نظرانداز کیا گیا تو یہ بین الصوبائی ہم آہنگی اور وفاقی تعاون کے لیے نقصان دہ ثابت ہو سکتے ہیں۔
Post time 2025-12-31 03:13:07
