|
|
 فوٹوز بشکریہ بین الاقوامی میڈیا
مصر میں ہونے والے غزہ سربراہی اجلاس کی تقریب میں انڈونیشیا کے صدر پرابوو سوبیانتو اور امریکی صدر ڈونلڈ ٹرمپ کے درمیان ہونے والی گفتگو وہاں رکھے مائیک میں ریکارڈ ہو گئی۔
گفتگو میں انڈونیشین صدر پرابوو سوبیانتو امریکی صدر سے اُن کے بیٹے ’ایرک ٹرمپ‘ سے ملاقات کی درخواست کرتے سنائی دیے۔
ٹرمپ کی پرابوو سے غیر رسمی بات چیت کی ریکارڈنگ میں سنا جا سکتا ہے کہ پرابوو سوبیانتو ٹرمپ سے پوچھتے ہیں کہ ’کیا میں ایرک سے ملاقات کر سکتا ہوں؟‘
اس پر ٹرمپ جواب دیتے ہیں، ’میں ایرک کو فون کرنے کو کہوں گا، ٹھیک ہے؟ وہ بہت اچھا لڑکا ہے، میں اپنے بیٹے کو کہوں گا کہ آپ کو فون کرے۔‘
صدر ٹرمپ کے جواب میں پرابوو کہتے ہیں کہ ہم اس کے لیے بہتر جگہ دیکھ لیں گے جس پر ٹرمپ دوبارہ کہتے ہیں کہ ’میں ایرک کو کہوں گا کہ وہ آپ کو کال کرے۔‘ |
|
Post time 2025-10-14 20:15:26