’ٹیم کلچر کو بگڑنے سے بچانے‘ کیلئے روہت شرما کو ون ڈے کپتانی سے ہٹایا گیا: رپورٹ میں انکشاف

slotcosino

  
---فائل فوٹو

بھارتی کرکٹ ٹیم کے بلے باز روہت شرما کو ون ڈے ٹیم کی قیادت سے ہٹانے کا فیصلہ دراصل ’ٹیم کلچر‘ کو متاثر ہونے سے بچانے کے لیے کیا گیا۔

یہ انکشاف بھارتی میڈیا ’ٹائمز آف انڈیا’ کی ایک رپورٹ میں کیا گیا ہے۔

بھارتی میڈیا کے مطابق بورڈ آف کنٹرول فار کرکٹ اِن انڈیا （بی سی سی آئی） نے گزشتہ ہفتے اعلان کیا کہ نوجوان بلے باز شُبمن گِل کو آسٹریلیا کے خلاف آئندہ تین روزہ سیریز کے لیے وَن ڈے فارمیٹ کا کپتان مقرر کیا گیا ہے جس کے ساتھ ہی روہت شرما کی وَن ڈے کپتانی کا دور اختتام پذیر ہو گیا۔

چیف سلیکٹر اجیت اگرکر نے اس حوالے سے کہا کہ تینوں فارمیٹس کے لیے الگ الگ کپتان رکھنا ’عملی طور پر ناممکن‘ تھا تاہم ’ٹائمز آف انڈیا‘ کی رپورٹ میں دعویٰ کیا گیا کہ سلیکٹرز اور ٹیم مینجمنٹ اس بات سے خوفزدہ تھی کہ اگر روہت قیادت جاری رکھتا ہے تو وہ اپنے ’فلسفانہ قیادت‘ کے مطابق ٹیم کو چلائے گا جس سے ٹیم کلچر متاثر ہو سکتا تھا۔   
روہت شرما کو بھارتی ون ڈے کرکٹ ٹیم کی قیادت سے ہٹادیا گیا، شبمن گل کو ذمہ داری دیدی گئی

بھارتی کرکٹ بورڈ نے آسٹریلیا کے خلاف ون ڈے سیریز کے لیے اسکواڈ کا اعلان بھی کردیا ہے۔   

رپورٹ میں ’بی سی سی آئی‘ کے ایک ذرائع کے حوالے سے بتایا گیا کہ ’روہت جیسے کھلاڑی کے پاس اگر قیادت ہوتی ہے تو وہ اپنی سوچ کے مطابق ڈریسنگ روم کو چلانے لگتا جس سے ٹیم کے مجموعی کلچر میں بگاڑ کا خدشہ پیدا ہو جات ہے۔‘

رپورٹ میں مزید بتایا گیا کہ ہیڈ کوچ گوتم گمبھیر نے اپنی ابتدائی چھ ماہ کی مدت میں ٹیم کے معاملات میں زیادہ مداخلت نہیں کی تھی لیکن نیوزی لینڈ اور آسٹریلیا کے خلاف ٹیسٹ سیریز میں شکستوں کے بعد اُنہوں نے زیادہ مضبوطی سے ٹیم پر گرفت حاصل کی۔

بھارتی میڈیا کے مطابق گوتم گمبھیر نے ابتدا میں ٹیسٹ اور وَن ڈے ٹیمز کے معاملات میں پیچھے رہنے کا فیصلہ کیا تھا مگر مسلسل ناکامیوں نے اِنہیں متحرک کیا۔   
شرما بھارتی ٹیسٹ ٹیم کی قیادت سے بھی فارغ

کراچیبھارتی کرکٹ بورڈ نے روہت شرما کو ون ڈے کرکٹ...   

دلچسپ بات یہ ہے کہ اب روہت شرما اور ویرات کوہلی، شُبمن گل کی قیادت میں آسٹریلیا کے خلاف کھیلیں گے، اگرچہ دونوں کھلاڑیوں کے 2027ء کے ورلڈ کپ تک کھیلنے کے امکانات غیر یقینی ہیں لیکن گوتم گمبھیر اور اجیت اگروکر نے فیصلہ کیا ہے کہ وقت سے پہلے قیادت میں تبدیلی بہتر ہوگی تاکہ کسی فارم میں اچانک کارکردگی خراب ہونے کی صورت میں بحران پیدا نہ ہو۔

بھارتی میڈیا کے مطابق بی سی سی آئی کے ذرائع کا کہنا ہے کہ روہت شرما کو وَن ڈے قیادت سے ہٹانا گوتم گمبھیر اور اگروکر کا مشترکا فیصلہ تھا، دونوں سمجھتے ہیں کہ چونکہ روہت اور کوہلی کی عمر اب 30 کی دہائی کے آخر میں ہے، اس لیے اگلے دو برس میں اِن کے لیے بہتر کارکردگی برقرار رکھنا مشکل ہوگا۔