بالی ووڈ کی معروف اداکارہ کرینہ کپور خان کا کہنا ہے کہ 2025ء ان کے لیے ایک مشکل سال رہا۔
کرینہ کپور نے 2025ء کے اختتام پر فوٹو اینڈ ویڈیو شیئرنگ پلیٹ فارم انسٹاگرام پر اپنے شوہر و اداکار سیف علی خان کے ہمراہ ایک تصویر شیئر کی۔
اُنہوں نے تصویر شیئر کرتے ہوئے اپنی پوسٹ کے کیپشن میں اس مشکل وقت کا ذکر کیا جس کا ان کی فیملی نے گزشتہ سال سیف علی خان پر چاقو سے ہونے والے حملے کے بعد سامنا کیا۔
اداکارہ نے لکھا کہ آج سال کا آخری دن ہے اور یہ سال ہمارے لیے، ہمارے بچوں کے لیے اور ہمارے خاندان کے لیے ایک مشکل سال رہا لیکن ہم نے بہت ہمت کے ساتھ مشکل وقت کا سامنا کیا، ہم بہت روئے اور بہت دعائیں مانگیں اور پھر یہاں تک پہنچے۔
اُنہوں نے مزید لکھا کہ 2025ء نے ہمیں سکھایا کہ انسانی فطرتاََ نڈر ہے، محبت سب کو فتح کر لے گی اور بچے ہماری سوچ سے زیادہ بہادر ہوتے ہیں۔
سیف علی خان کو اسپتال لیکر جانیوالے رکشہ ڈرائیور کو انعام مل گیا
بالی ووڈ کے چھوٹے نواب سیف علی خان کو زخمی حالت میں اسپتال پہنچانے والے رکشہ ڈرائیور کو انعام مل گیا۔
کرینہ کپور خان نے لکھا کہ ہم سب سے پہلے خدا کا پھر اپنے مداحوں، اپنے دوستوں اور ہر اس شخص کا شکریہ ادا کرنا چاہتے ہیں جو مشکل وقت میں ہمارے ساتھ کھڑے رہے اور ہمارا ساتھ دیتے رہے۔
اُنہوں نے لکھا کہ ہم ایک نئے جذبے، بے پناہ شکرگزاری، مثبت سوچ اور فلموں کے لیے اپنے کبھی نہ ختم ہونے والے جذبے کے ساتھ 2026ء میں داخل ہو رہے ہیں۔
اداکارہ نے اپنی پوسٹ کے آخر میں تمام صارفین کو نئے سال کی مبارکباد بھی دی۔
Post time 2026-1-2 18:18:06
