بھارتی ریاست جھارکنڈ میں چوہوں نے 200 کلو چرس کھا کر گرفتار ملزم کو رہا کروا دیا۔
جھارکنڈ کی ایک عدالت نے منشیات اسمگلنگ کے مقدمے میں گرفتار مرکزی ملزم کو بری کرتے ہوئے پولیس کو ملزم کے خلاف ثبوت اکٹھے کرنے میں ناکام ہونے پر شدید تنقید کا نشانہ بنایا۔
یہ مقدمہ 2022ء میں اس وقت درج کیا گیا تھا جب جھارکھنڈ کی پولیس نے شاہراہ پر ایک گاڑی کو روک کر اس میں بھاری مقدار میں چھپائی گئی چرس برآمد کرنے کا دعویٰ کیا۔
اس مقدمے کی سماعت کے دوران افسران نے عدالت کو بتایا کہ منشیات کو ثبوت کے طور پر پیش نہیں کیا جا سکتا کیونکہ انہیں مبینہ طور پر گودام میں چوہوں نے منشیات کو خراب کر دیا ہے۔
عدالت نے پولیس کی جانب سے پیش کی گئی اس وضاحت کو مسترد کرتے ہوئے کہا کہ افسران کا یہ مؤقف منشیات کی ضبطی اور مقدمے پر شق و شبہات پیدا کرتا ہے۔
مگرمچھ گھر کے سوئمنگ پول میں گھس گیا
امریکی ریاست فلوریڈا کے ایک خاندان کو اپنے گھر کے عقب میں واقع سوئمنگ پول سے آدھی رات کو ایک بڑے مگرمچھ کو نکالنے کے لیے حکام کو بلانا پڑا کیونکہ یہ بڑا مگرمچھ انکے گھر کے سوئمنگ پول میں گھس آیا تھا۔
عدالت نے مقدمے کی بنیادی تفصیلات میں متعدد تضادات پائے جیسے کہ مقام اور گرفتاری کا وقت، ملزم کو کس نے پکڑا اور دوسرے مبینہ ساتھی کیسے فرار ہوئے؟ یہ تمام نکات مقامی میڈیا کی رپورٹس میں بھی سامنے آئے تھے۔
عدالت نے مزید کہا کہ کسی بھی آزاد شہری کو گواہی دینے کے لیے پیش نہیں کیا گیا حالانکہ ملزم کو ایک مصروف شاہراہ سے گرفتار کیا گیا جس اطراف میں بہت سے رہائشی علاقے موجود ہیں۔
عدالت نے اپنا فیصلے میں مرکزی ملزم کو تمام الزامات سے بری کرتے ہوئے کہا کہ کوئی مادی ثبوت باقی نہیں رہا تو شک کا فائدہ ملزم کو ملنا چاہیے۔
Post time 2026-1-2 20:52:13
