بسنت کی اجازت دے کر بچوں اور نوجوانوں کی زندگیوں کو خطرے میں ڈالا جارہا ہے، جاوید قصوری

slotcosino

  فوٹو: سوشل میڈیا

جماعت اسلامی پنجاب کے امیر جاوید قصوری کا کہنا ہے کہ پنجاب حکومت سرکاری سرپرستی میں بسنت جیسے خونی تہوار پر پابندی عائد کرے۔  

منصورہ میں پریس کانفرنس کرتے ہوئے جاوید قصوری نے کہا کہ اگر بسنت کے نتیجے میں ڈور پھرنے سے اموات ہوئیں تو اس کی ذمہ دار وزیراعلیٰ پنجاب مریم نواز ہوں گی۔   
لاہور میں بسنت کب منائی جائے گی؟ تاریخ سامنے آ گئی

پنجاب حکومت کی جانب سے بسنت 2026ء کا باضابطہ طور پر نوٹیفکیشن جاری کر دیا گیا۔   

انہوں نے کہا کہ ایک طرف موٹرسائیکل سواروں پر بھاری جرمانے عائد کیے جارہے ہیں تو دوسری جانب بسنت تہوار کی اجازت دے کر بچوں اور نوجوانوں کی زندگیوں کو خطرے میں ڈالا جارہا ہے۔  

جماعت اسلامی پنجاب کے امیر نے مزید کہا کہ صوبائی حکومت اپنی آئینی ذمہ داری پوری کرنے میں مکمل طور پر ناکام ہوگئی ہے اور عوام کے جان و مال کے تحفظ میں غیر سنجیدہ نظر آتی ہے۔