شمیمہ بیگم کو کسی صورت برطانیہ واپسی کی اجازت نہیں دی جانی چاہیے، شبانہ محمود

slotcosino

  برطانوی وزیر داخلہ شبانہ محمود（فائل فوٹو）۔

برطانوی وزیر داخلہ شبانہ محمود نے داعش کے ایک جنگجو کی دلہن بننے والی شمیمہ بیگم کی شہریت منسوخی کے فیصلے کا مضبوطی کیساتھ دفاع کرنے کے عزم کا اظہار کیا ہے، ان کا کہنا ہے کہ شمیمہ بیگم کو کسی صورت بھی برطانیہ میں واپس داخلے کی اجازت نہیں دی جانی چاہیے۔

ہوم سیکریٹری شبانہ محمود کا کہنا ہے کہ وہ یورپی عدالت برائے انسانی حقوق میں اس امر کا بھرپور مقابلہ کرنے کیلئے تیار ہیں، شمیمہ بیگم نے ماضی میں برطانیہ چھوڑ کر داعش میں شمولیت اختیار کی جس کی وجہ سے اسے برطانوی شہریت سے ہاتھ دھونا پڑے تھے۔   
برطانوی حکومت شمیمہ بیگم کی شہریت ختم کرنے کے فیصلے کا مضبوطی سے دفاع کرے گی، حکومتی ذرائع

برطانوی حکومت نے شمیمہ بیگم کو ملکی سلامتی کیلئے خطرہ قرار دے کر ان کی برطانوی شہریت چھین لی تھی۔   

بنگلہ دیشی نژاد شمیمہ بیگم اپنی برطانوی شہریت بحال کرانے کیلئے طویل عرصہ سے قانونی جنگ لڑ رہی ہیں اور برطانوی عدالتوں میں اپنے حق میں فیصلہ نہ ہونے پر یورپی یونین میں معاملہ اٹھانے کا ارادہ رکھتی ہیں۔

برطانیہ کی ٹوری پارٹی نے سیکریٹری داخلہ کے موقف کی بھر پور حمایت کرتے ہوئے کہا ہے کہ شمیمہ بیگم کو کسی صورت بھی برطانیہ میں واپس داخلے کی اجازت نہیں دی جانی چاہیے، شیڈو ہوم سیکریٹری کرس فلپ نے کہا ہے کہ شمیمہ بیگم نے داعش کے پرتشدد اسلام پسند انتہا پسندوں کی حمایت کرنیکا انتخاب کیا ایسے افراد کی حمایت کرنیوالوں کے لیے برطانیہ میں کوئی جگہ نہیں ہے۔