|
|
فوٹو — اسکرین گریب
پاکستانی شوبز انڈسٹری کی معروف ماڈل و اداکارہ آمنہ شیخ نے ہمارے معاشرے میں موجود خوبصورتی کے معیار، کاسمیٹک پروسیجرز اور خود اعتمادی کے بارے میں اپنے خیالات کا اظہار کیا۔
آمنہ شیخ نے حال ہی میں ایک ویب شو میں بطور مہمان شرکت کی جہاں اُنہوں نے اپنے ماتھے پر اکثر نظر آنے والی نمایاں لائنز کے بارے میں بات کی۔
اُنہوں نے بتایا کہ میں نے اپنے ماتھے پر نظر آنے والی لائنز کو ختم کرنے کے لیے کبھی بھی کاسمیٹک پروسیجر کا انتخاب نہیں کیا دراصل میرے ماتھے پر لائنز واضح طور پر صرف تب نظر آتی ہیں جب میں اپنے جذبات کا اظہار کروں۔
اداکارہ نے مزید کہا کہ میرا ماتھا ماشاءاللّٰہ ایک فٹبال گراؤنڈ کی طرح بہت نمایاں ہے تو بعض اوقات تو جذبات کا اظہار کرتے ہوئے میرے ماتھے پر لائنز بہت ہی زیادہ واضح نظر آتی ہیں لیکن جب میرے چہرے پر کسی قسم کے تاثرات نہیں ہوتے تو ماتھے سے لائنز خود ہی غائب ہو جاتی ہیں۔
اُنہوں نے بتایا کہ کچھ عرصے پہلے میں نے سوشل میڈیا پر اپنی کچھ تصاویر شیئر کیں تو ایک مداح نے کمنٹ سیکشن میں باقاعدہ پوچھا کہ آپ کے ماتھے پر جو لائنز نظر آتی تھیں وہ کہاں غائب ہو گئیں تو پھر میں نے اسے بھی یہی وضاحت دی۔
آمنہ شیخ نے مزید کہا کہ مجھے کاسمیٹک پروسیجرز اکثر غیر فطری محسوس ہوتے ہیں اور میرا خیال ہے کہ یہ رجحان ایک دن ختم ہو جائے گا زیادہ نہیں چل سکے گا۔
اُنہوں نے مزید کہا کہ میرے خیال میں انفرادیت اور شخصیت کی تشکیل میں خامیاں ضروری ہیں اور انہیں چھپانے کے بجائے اپنانا چاہیے۔ |
|
Post time 2026-1-3 21:34:40