ایران میں مہنگائی کے خلاف جاری احتجاج کی شدت میں کمی، سپریم لیڈر نے مطالبات کو جائز قرار دے دیا

slotcosino

  —تصویر بشکریہ غیر ملکی میڈیا

ایران میں مہنگائی کے خلاف جاری احتجاج کی شدت میں کمی آنے لگی، احتجاج کا دائرہ کار فارس، ہمدان اور دشت سمیت محض چند شہروں تک محدود ہوکر رہ گیا۔

غیرملکی میڈیا کے مطابق سپریم لیڈر آیت اللّٰہ خامنہ ای نے احتجاج کرنے والوں کے مطالبات جائز قرار دے دیا ہے۔

آیت اللّٰہ خامنہ نے کہا ہے کہ ایران دشمن کے سامنے نہیں جھکے گا۔   
ایران میں مہنگائی کے خلاف پر تشدد احتجاج، مظاہرین پر گولی چلائی تو مداخلت کرونگا، ٹرمپ، خطے میں افراتفری پھیلے گی، ایران کا انتباہ

پیرس ایران میں مہنگائی کیخلاف جاری احتجاج پرتشدد...   

انہوں نے واضح کیا کہ کرنسی میں اتار چڑھاؤ کے پیچھے دشمن کا ہاتھ ہے۔

دوسری جانب ایران کے اقوام متحدہ میں مستقل مندوب عامر سعید نے سیکرٹری جنرل اقوام متحدہ اور صدر سلامتی کونسل کو خط میں کہا ہے کہ امریکی صدر ٹرمپ کا بیان اقوام متحدہ کے چارٹر اور عالمی قانون کے خلاف ہے۔

ایرانی وزیر خارجہ عباس عراقچی نے اپنے ردِعمل میں کہا کہ ایرانی افواج مکمل طور پر الرٹ ہیں اور ایرانی عوام کو داخلی امور میں مداخلت برداشت نہیں ہے۔   
ایران، مہنگائی کے خلاف احتجاج میں شدت، متعدد گرفتار، حکومت کا ٹیکس میں کمی کا اعلان

کراچی ایران میں مہنگائی کیخلاف احتجاج میں شدت،...   

اس قبل امریکی صدر ڈونلڈ ٹرمپ نے کہا تھا اگر ایرانی حکومت نے مظاہرین پر گولی چلائی تو ہم انھیں بچانے آئیں گے۔

اس کے علاوہ امریکا کے سابق سیکریٹری آف اسٹیٹ اور سی آئی اے کے سابق ڈائریکٹر مائیک پومپیو کا کہنا ہے کہ ایرانی حکومت مشکل میں ہے اور فوجی مداخلت ان کی آخری اُمید ہے۔

سابق سیکریٹری آف اسٹیٹ نے مزید کہا کہ اسرائیلی ایجنسی ’موساد‘ کے ایجنٹ ایرانی مظاہرین کے شانہ بہ شانہ سڑکوں پر ہیں، جنہیں وہ سال نو کی مبارک باد پیش کرتے ہیں۔