ایشیز سیریز کا آخری ٹیسٹ، پہلے روز کھیل سے قبل سڈنی واقعے کے ہیروز کو خراج تحسین پیش کیا گیا

slotcosino

  

ایشیز سیریز کے آخری ٹیسٹ میچ کے پہلے روز کھیل سے قبل سڈنی واقعے کے ہیروز کو خراج تحسین پیش کیا گیا۔

انگلینڈ اور آسٹریلیا کے درمیان جاری ٹیسٹ میچ کے دوران سڈنی کے ساحل پر فائرنگ کے واقعے کے متاثرین کے ساتھ اظہار یکجہتی کیا گیا اور سڈنی کرکٹ گراؤنڈ میں اسکرین پر لکھا گیا کہ اس مشکل گھڑی میں ہم ساتھ ہیں۔

اسٹیڈیم میں کرکٹ فینز نے ہیروز کا کھڑے ہو کر استقبال کیا، ہیروز کو سڈنی کرکٹ گراؤنڈ میں گارڈ آف آنر پیش کیا گیا۔ گارڈ آف آنر کے لیے آئی سی یو پیرا میڈک اسٹاف، ڈاکٹرز، لوکل پولیس اور سیکیورٹی اہلکار بھی موجود تھے۔ گارڈ آف آنر کی تقریب میں دونوں ٹیموں کے کھلاڑی بھی موجود تھے۔   
مائیکل وان کا سڈنی کے ساحل پر فائرنگ کے وقت ریسٹورنٹ میں بند ہونے کا انکشاف

مائیکل وان کا کہنا ہے کہ میں خود کو جتنا پُرسکون رکھ سکتا تھا اتنی میں نے کوشش کی۔   

درجنوں جانے بچانے والے ہیرو احمد الحمد کے ساتھ 14 سالہ چایا ڈینڈن بھی تھیں۔ چایا ڈینڈن کو ٹانگ میں گولی لگی تھی وہ دو بچوں کو بچانے کی کوشش کر رہی تھیں۔

احمد الحمد سے عثمان خواجہ سمیت آسٹریلوی کھلاڑیوں نے ملاقات کی اور ان کی ہمت کو سراہا، اسٹیڈیم میں تماشائیوں کی طرف سے بھی ہیروز کا شکریہ ادا کیا گیا۔

قومی ترانوں کے بعد وزیر کھیل نیو ساؤتھ ویلز اور کرکٹ آسٹریلیا کے سی ای او نے ہیروز سے ملاقات کی اور ان کا شکریہ ادا کیا۔

واضح رہے کہ سڈنی کے ساحل پر 14 دسمبر کو فائرنگ کا واقعہ پیش آیا تھا۔ جس میں 15 افراد ہلاک ہوئے تھے۔