غزہ میں اسرائیلی حملے، مزید 21 فلسطینی شہید، 96 زخمی

slotcosino

  تصویر سوشل میڈیا۔

غزہ میں گزشتہ 24 گھنٹوں میں وحشیانہ اسرائیلی حملوں میں مزید21 فلسطینی شہید اور 96 زخمی ہوگئے۔

فلسطینی وزارت صحت نے اپنے بیان میں کہا کہ مارچ میں جنگ بندی کے خاتمے کے بعد سے اسرائیلی حملوں میں 13 ہزار 568 فلسطینی شہید اور 57 ہزار 638 افراد زخمی ہوچکے ہیں۔

وزارت صحت کے مطابق 7 اکتوبر 2023 کے بعد اسرائیلی حملوں میں 67 ہزار 160 فلسطینی شہید اور 1 لاکھ 69 ہزار 679 زخمی ہوچکے۔    
غزہ کی 2 سالہ جنگ میں 1 ہزار سے زائد اسرائیلی فوجی مارے گئے: اسرائیل کا اعتراف

اسرائیلی وزارتِ دفاع نے اعتراف کیا ہے کہ غزہ میں جاری اس کی 2 سالہ جنگ میں 1 ہزار سے زائد اسرائیلی فوجی مارے گئے۔   

فلسطینی وزارت صحت کے مطابق گزشتہ 24 گھنٹوں میں امداد کے منتظر فلسطینیوں پر اسرائیلی فوج کے حملوں میں مزید 2 فلسطینی شہید اور 19 زخمی ہوئے۔

فلسطینی حکام کے مطابق امداد کے منتظر شہیدوں کی تعداد 2 ہزار 610 فلسطینیوں سے تجاوز کرگئی جبکہ 19 ہزار 143 زخمی ہوئے ہیں۔