آسٹریلیا کے سابق کرکٹر ایڈم گلکرسٹ نے پاکستانی اسٹار بیٹر بابر اعظم کو جارحانہ انداز میں بیٹنگ کرنے کا مشورہ دے دیا۔
ایڈم گلکرسٹ نے بگ بیش لیگ میں کمنٹری کے دوران کہا کہ بابر اکثر بہت محتاط انداز میں بیٹنگ کرتے نظر آتے ہیں اس لیے وہ ابھی کوئی چھکا یا چوکا نہیں لگائیں گے۔
بگ بیش لیگ میں بابر اعظم کی میچ وننگ ففٹی، سڈنی سکسرز 6 وکٹوں سے کامیاب
سڈنی سکسرز کی جانب سے کھیلتے ہوئے قومی کرکٹر بابرا عظم نے 46 گیندوں پر 58 رنز کی ناقابل شکست اننگز کھیلی۔
اُنہوں نے مزید کہا کہ بابر کے اس قدر محتاط انداز میں کھیلنے کی وجہ سے ان کے بیٹنگ پارٹنر پر دباؤ بڑھ جاتا ہے، اس لیے اُنہیں تھوڑا جارحانہ انداز میں کھیل کر اپنا اسٹرائیک ریٹ بہتر بنانے کی ضرورت ہے۔
واضح رہے کہ بگ بیش لیگ میں سڈنی سکسرز کی نمائندگی کرتے ہوئے بابر اعظم نے 46 گیندوں پر 4 چوکوں اور 1 چھکے کی مدد سے 58 رنز بنائے۔
پاکستانی بیٹر کی 46 گیندوں پر 58 رنز کی ناقابل شکست اننگز نے سڈنی سکسرز کو میلبرن رینی گیڈز کے خلاف اہم فتح سے ہمکنار کیا۔
Post time 2026-1-5 18:24:50
