صدر وینزویلا کو اسی عدالت میں پیش کیا جائے گا جہاں ڈاکٹر عافیہ صدیقی کا مقدمہ چلایا گیا تھا

slotcosino

  

وینزویلا کے صدر نکولس مادورو کو آج پیر کے روز نیویارک کے مین ہیٹن میں جس وفاقی عدالت میں پیش کیا جا رہا ہے، یہ وہی وفاقی عدالتی دائرہ کار ہے جس کے تحت ماضی میں پاکستانی نژاد ڈاکٹر عافیہ صدیقی کا مقدمہ چلایا گیا تھا اور انہیں 2010 میں سزا سنائی گئی تھی۔  

ڈاکٹر عافیہ صدیقی کا کیس United States District Court for the Southern District of New York کے تحت سنا گیا تھا، جو آج بھی امریکا کے سب سے طاقتور اور بااثر وفاقی عدالتی نظام میں شمار ہوتا ہے۔

اس عدالت کا تاریخی پس منظر بھی غیر معمولی ہے۔ خود سدرن ڈسٹرکٹ آف نیویارک کی آفیشل عدالتی تاریخ کے مطابق نیویارک میں وفاقی عدالت کا پہلا اجلاس نومبر 1789 میں ہوا تھا اور یہی وہ عدالتی روایت ہے جو وقت کے ساتھ ارتقا پذیر ہو کر آج کے سدرن ڈسٹرکٹ آف نیویارک کی صورت میں موجود ہے۔اسی وجہ سے اسے امریکی عدالتی نظام میں غیر رسمی طور پر ’مدر کورٹ‘ بھی کہا جاتا ہے۔

یہ وہی عدالتی دائرہ ہے جہاں ماضی میں کئی عالمی سطح کے ہائی پروفائل مقدمات سنے جا چکے ہیں۔ اسی مین ہیٹن کی وفاقی عدالت میں برنارڈ میڈوف کو 29 جون 2009 کو دنیا کے سب سے بڑے پونزی اسکینڈل میں 150 سال قید کی سزا سنائی گئی۔   
وینزویلا کے صدر اور اہلیہ کیخلاف امریکی چارج شیٹ سامنے آگئی، عمر قید کا امکان

جیو نیوز نے وینزویلا کے صدر نکولس مادورو اور ان کی اہلیہ سیلیا فلوریس کے خلاف امریکی محکمۂ انصاف کی جانب سے دائر کی گئی چارج شیٹ حاصل کر لی۔   

اسی عدالتی نظام کے تحت سیم بینک مین فریڈ کو مارچ 2024 میں مالی فراڈ کے مقدمات میں 25 سال قید کی سزا سنائی گئی

اسی دائرہ کار میں گھسلین میکسویل کو جیفری ایپسٹین کے ساتھ کم عمر بچیوں کے جنسی استحصال سے متعلق سازش میں 20 سال قید کی سزا دی گئی۔

اسی عدالت میں مارٹھا اسٹیورٹ کے کیس کی سماعت ہوئی اور انہیں جولائی 2004 میں پانچ ماہ قید کی سزا سنائی گئی تھی۔

تاہم یہ بات بھی ریکارڈ پر ہے کہ اس عدالت میں ہر مقدمہ لازمی طور پر سزا پر منتج نہیں ہوتا بعض ہائی پروفائل کیسز میں جیوری نے ملزمان کو بعض یا تمام الزامات سے بری بھی کیا ہے یا مقدمات تکنیکی بنیادوں پر ختم بھی ہوئے ہیں، اس لیے یہ کہنا درست نہیں کہ اس عدالتی نظام سے کوئی بری نہیں ہو سکا۔

مجموعی طور پر اگر صدر مادورو اور ان کی اہلیہ کے خلاف نارکو ٹیررازم، بڑے پیمانے کی کوکین اسمگلنگ یا اسلحہ سے متعلق سخت دفعات عدالت میں ثابت ہو جاتی ہیں تو امریکی قانون کے تحت انہیں طویل المدت قید، حتیٰ کہ عمر قید تک کی سزا کا سامنا ہو سکتا ہے۔

البتہ اس کا حتمی فیصلہ عدالت میں پیش ہونے والے شواہد، الزامات کی قانونی نوعیت، جیوری یا جج کے فیصلے اور بعد ازاں سزا کے مرحلے میں وفاقی سینٹنسنگ فیکٹرز کو مدنظر رکھ کر ہی کیا جائے گا۔