|
|
 روبین ایموریم, اے ایف پی
انگلش پریمیئر لیگ فٹ بال میں ناقص کارکردگی کے سبب مانچسٹر یونائیٹڈ نے اپنے منیجر روبین ایموریم کو عہدے سے ہٹادیا۔
ایموریم 14 ماہ تک معروف انگلش کلب کے منیجر رہے، وہ اس دوران مانچسٹر یونائیٹڈ کو 63 میں سے صرف 24 مقابلوں میں کامیابی دلواسکے۔
روبین ایموریم نے 2024ء میں مانچسٹر یونائیٹڈ کے منیجر کی حیثیت سے ذمے داریاں سنبھالی تھیں، اُنہیں انگلش پریمیئر لیگ اور دیگر فٹ بال ایونٹس میں مانچسڑ یونائیٹڈ کی ناقص کارکردگی کے سبب کلب کی انتظامیہ نے عہدے سے ہٹایا ہے۔
اس سیزن میں مانچسٹر یونائیٹڈ نے 20 میچز کھیلے ہیں، جس میں سے آخری 11 میں سے صرف 3 مقابلوں میں اُس کو کامیابی ملی ہے۔
ایموریم کے بطور ٹیم منیجر 14 ماہ کی کارکردگی کا جائزہ لیا جائے تو اُنہوں نے 63 میچز میں فرائض انجام دیے، جس میں 24 جیتے، 21 ہارے اور 18 ڈرا کیے۔
مانچسٹر یونائیٹڈ کا پچھلا سیزن بدترین رہا تھا، جس میں اُس کی پوزیشن پندرہویں رہی تھی۔ |
|
Post time 2026-1-5 22:57:59