بالوں کا جھڑنا نہیں رک رہا تو یہ غذائیں ترک کردیں

slotcosino

  

کیا آپ مہنگے ہیر آئل، سیرمز، شیمپو اور کنڈیشنر خریدتے ہیں؟ لیکن پھر بھی بالوں کا جھڑنا نہیں رک رہا تو شاید مسئلہ کسی اور چیز کا ہے۔

بالوں کا مسلسل جھڑنا صرف مہنگی مصنوعات استعمال کرنے سے نہیں رکتا ہے بلکہ اس کی بڑی وجہ ہماری روزمرہ کی غذا بھی ہوسکتی ہے۔

کچھ عام غذائیں بظاہر نقصان دہ محسوس نہیں ہوتیں مگر آہستہ آہستہ جسم میں سوزش، ہارمونل عدم توازن، غذائی کمی اور بالوں کی جڑوں کو نقصان پہنچانے اور ان کے جھڑنے کا سبب بنتی ہیں۔

اگر آپ ریفائنڈ کاربو ہائیڈریٹس یعنی سفید ڈبل روٹی، بسکٹ، پیسٹری، مٹھائیاں اور میٹھے اسنیکس کھا رہے ہیں تو آپ کے بال کمزور ہوں گے۔

زیادہ تلی ہوئی غذائیں جن میں عام طور پر ٹرانس فیٹس، اومیگا 6 فیٹس اور نمک کی بھرمار اور غذائیت کی قلت ہوتی ہے، وہ بھی بال جھڑنے کا سبب ہیں۔

ٹونا مچھلی، یعنی شارک، سوڈفش، کنگ میکریل اور دیگر اقسام کی ٹونا مچھلی ذائقے میں تو اچھی ہوتی ہیں لیکن یہ بالوں کیلئے نقصان دہ ہے، یہ بات 2019ء کی تحقیق میں بھی سامنے آچکی ہے۔

سرخ گوشت جو بڑی آنت کے کینسر کے خطرے کو بڑھاتا ہے ساتھ ہی بالوں پر بھی منفی اثر چھوڑتا ہے، 2010ء کی تحقیق میں اس بات کا خلاصہ کیا گیا۔

اگر آپ اپنے بالوں کا تحفظ چاہتے ہیں تو آپ کےلیے میٹھے مشروبات سے دور رہنا ہوگا، یہ نہ صرف معدے بلکہ مجموعی صحت کیلئے نقصان دہ ہیں۔





نوٹ: یہ مضمون قارئین کی معلومات کیلئے شائع کیا گیا ہے۔ صحت سے متعلق امور میں اپنے معالج کے مشورے پر عمل کریں۔