پیٹ کمنز ایشیز سیریز کے پرتھ ٹیسٹ سے باہر ہوگئے

slotcosino

  —فائل فوٹو

آسٹریلوی کرکٹ ٹیم کے کپتان پیٹ کمنز ایشیز سیریز کے پرتھ ٹیسٹ سے باہر ہو گئے۔

آسٹریلوی میڈیا کے مطابق پیٹ کمنز کے حال ہی میں اسکینز کرائے گئے ہیں، کمر کی تکلیف کا شکار پیٹ کمنز کے اسکینز کی رپورٹس حوصلہ افزاء نہیں آئی ہیں۔

پیٹ کمنز کے ایشیز سیریز سے مکمل طور پر بھی باہر ہونے کا خدشہ ہے۔   
بھارتی کرکٹ لیگ ڈالرز کی ریل پیل سے کرکٹرز کو ورغلانے لگی

آسٹریلوی میڈیا کے مطابق 2 آسٹریلوی کرکٹرز کو آسٹریلوی کرکٹ چھوڑنے کے لیے 10 ملین ڈالرز کی پیشکش کی گئی۔   

واضح رہے کہ انگلینڈ اور آسٹریلیا کے درمیان ایشیز سیریز کا پہلا ٹیسٹ 21 نومبر سے پرتھ میں شروع ہوگا۔

پیٹ کمنز نے پہلے ٹیسٹ سے قبل مکمل فٹ ہونے کے لیے اُمید کا اظہار کیا تھا۔ پیٹ کمنز کی غیر موجودگی میں پرتھ ٹیسٹ میں اسٹیو اسمتھ ٹیم کی قیادت کریں گے۔

پیٹ کمنز کے ایشیز سیریز سے قبل تکلیف سے نجات نہ پانے کو آسٹریلوی ٹیم کے لیے دھچکا قرار دیا جا رہا ہے۔