جیل حکام بار بار توہین عدالت کر رہے ہیں، بانی پی ٹی آئی سے ملنے نہیں دیا جا رہا: فیصل ملک

slotcosino

  —فائل فوٹو

بانی پی ٹی آئی کے وکیل فیصل ملک نے کہا ہے کہ جیل حکام بار بار توہین عدالت کر رہے ہیں، بانی سے ملنے نہیں دیا جا رہا۔

بانی پی ٹی آئی کے وکیل فیصل ملک نے راولپنڈی کی انسداد دہشت گردی عدالت کے باہر میڈیا سے گفتگو کرتے ہوئے کہا کہ 9 مئی کیسز میں بانی پی ٹی آئی کو عدالت پیش کیا جانا چاہیے۔

انہوں نے کہا کہ بانی پی ٹی آئی اڈیالہ جیل میں ہیں لیکن 9 مئی کیسز میں ضمانت پر ہیں، ملزم کو کسی اور کیس میں سزا ہوئی ہو تو اسے باقی کیسز میں عدالت لایا جاتا ہے۔   
بانی پی ٹی آئی نے کیا ہدایات دیں؟ وکیل فیصل ملک نے بتادیا

بانیٔ پی ٹی آئی سے آج ان کے وکیل فیصل ملک نے ملاقات کی ہےجس کے بعد انہوں نے ان کا پیغام میڈیا سے گفتگو میں پہنچایا ہے۔   

فیصل ملک کا کہنا تھا کہ عدالت سے استدعا کی کہ بانی پی ٹی آئی کو عدالت میں پیش کیا جائے، عدالت سے یہ بھی استدعا کی کہ 9 مئی کے کیسز بھی تیزی سے چلائے جائیں۔

بانی پی ٹی آئی کے وکیل نے کہا کہ افسوس کی بات ہے ہمیں اپنے موکل بانی پی ٹی آئی سے ملنے نہیں دیا جارہا، دنیا میں کہیں ایسا نہیں ہوتا کہ وکیل کو کلائنٹ سے ملنے سے روکا جائے۔

ان کا کہنا تھا کہ ملاقاتوں سے متعلق ہائی کورٹ کا فیصلہ موجود ہے، استدعا کی ہے ہمیں بانی پی ٹی آئی تک رسائی دی جائے یا انہیں عدالت لایا جائے۔