بلوچستان کے بیشتر اضلاع میں گزشتہ 24 گھنٹوں کے دوران موسم شدید سرد رہا۔
محکمہ موسمیات کے مطابق گزشتہ 24 گھنٹوں کے دوران کوئٹہ میں کم سے کم درجہ حرارت منفی 4 ڈگری سینٹی گریڈ ریکارڈ ہوا۔
این ڈی ایم اے کا ملک میں شدید سردی سے متعلق الرٹ جاری
این ڈی ایم اے کے مطابق آنے والے دنوں میں کوئٹہ، زیارت اور قلات سمیت شمالی بلوچستان میں سردی کی شدت میں نمایاں اضافہ متوقع ہے۔
محکمہ موسمیات نے بتایا کہ زیارت میں کم سے کم درجہ حرارت منفی 9 ڈگری سینٹی گریڈ ریکارڈ ہوا۔
علاوہ ازیں، قلات شہر اور اس کے گردونواح میں بھی موسم شدید سرد ہے۔
محکمہ موسمیات کے مطابق قلات میں کم سے کم درجہ حرارت منفی 8 ڈگری سینٹی گریڈ ریکارڈ ہوا۔
قلات میں روز 18 گھنٹے بجلی کی لوڈشیڈنگ اور گیس کی قلت سے شہریوں کو شدید مشکلات کا سامنا کرنا پڑ رہا ہے۔
Post time 2026-1-7 16:34:13
