کھلاڑیوں کی جان کو خطرہ، ورلڈکپ کیلیے ٹیم بھارت نہیں بھیجیں گے، بنگلادیش ڈٹ گیا

slotcosino

بنگلادیش کرکٹ بورڈ نے بھارت میں ورلڈکپ کیلیے اپنی ٹیم بھیجنے سے صاف انکار کرتے ہوئے کہا ہے کہ کھلاڑیوں کی سیکیورٹی اور ملک کے وقار پر کوئی سمجھوتہ نہیں کریں گے۔

بنگلادیش کے دارالحکومت ڈھاکا میں بنگلادیشی کرکٹ بورڈ （بی سی سی） کے صدر امین الاسلام اور اسپورٹس ایڈوائزر ڈاکٹر اصف نذرل نے پریس کانفرنس کی۔



ڈاکٹرآصف نے کہا کہ ورلڈکپ کیلیے اپنی ٹیم بھارت نہیں بھیجیں گے اور نہ ہم اپنےکھلاڑیوں کی سکیورٹی اور ملکی وقار پر کوئی سمجھوتہ کریں گے۔
مزید پڑھیں   

ٹی 20 ورلڈ کپ؛ آئی سی سی نے بنگلادیش کی میچز منتقلی کی درخواست مسترد کردی، بھارتی میڈیا کا دعویٰ   

ورلڈکپ کیلیے بھارت نہ جانے کے فیصلے پر پاکستان کی بنگلادیش کو مکمل حمایت کی یقین دہانی   

بنگلادیش کی میچز منتقلی کی درخواست مسترد ہونے کی بھارتی خبریں جھوٹ کا پلندہ نکلیں



انہوں نے واضح الفاظ میں کہا کہ بھارت کے علاوہ دوسرے وینیو سری لنکا میں ٹیم بھیج سکتے ہیں۔

اُن کا کہنا تھا کہ امید ہے کہ آئی سی سی ہمارے تحفظات پر غور کرے گی اور ہمارے مؤقف کو غیر جانبداری کے ساتھ سنا جائے گا۔

ڈاکٹر آصف نے کہا کہ بنگلادیش نے ورلڈکپ کیلیے کوالیفائی کیا ہوا ہے، ہم اپنے ملکی وقار اور کھلاڑیوں کو دیکھتے ہوئے ورلڈکپ بھارت کے علاوہ کہیں اور کھیلنا چاہتے ہیں۔