|
|
 فوٹو: فائل
متحدہ عرب امارات میں ایک دلخراش سڑک حادثے میں چار بچے اور خاندان کی ملازمہ جاں بحق ہوگئی۔
حکام نے حادثے کی وجوہات معلوم کرنے کے لیے تحقیقات شروع کر دی ہیں اور ہر پہلو کی جانچ کی جا رہی ہے۔
حادثہ ابوظبی دبئی ہائی وے کے قریب الشہامہ میں پیش آیا، جب بھارتی ریاست کیرالہ کے ایک مسلم خاندان کی گاڑی لیوا فیسٹیول سے دبئی واپس آ رہی تھی۔
حادثے میں والدین اور ایک بچی محفوظ رہے اور اسپتال میں زیرِ علاج ہیں۔ چار بیٹوں کا حادثے میں انتقال ہوگیا۔
جاں بحق ہونے والوں میں چار بھائی شامل تھے جن کی عمر 5 سے 14 سال کے درمیان تھی اور خاندان کی 48 سالہ ملازمہ بھی جاں بحق ہوئی۔ بچے دبئی کے اسکول میں تعلیم حاصل کر رہے تھے۔
بچوں کو متحدہ عرب امارات میں سپرد خاک کردیا گیا ہے جبکہ ملازمہ کا جسد خاکی ان کے آبائی شہر کیرالہ بھیج دیا جائے گا۔ |
|
Post time