پنجاب حکومت کی جانب سے شوگر سیس نافذ کرنے کے بعد صوبے میں چینی کی قیمت بڑھنے کا خدشہ ہے۔
ذرائع کے مطابق پنجاب حکومت نے 40 کلو چینی پر 5 روپے شوگر سیس نافذ کیا ہے۔
ذرائع نے بتایا کہ ڈھائی روپے سیس شوگر مل اور ڈھائی روپے کسان ادا کریں گے، یکم جنوری سے شوگر سیس کے نفاذ سے اوپن مارکیٹ میں چینی کی قیمتیں بڑھنے کا خدشہ ہے، اکبری منڈی میں چینی کا 50 کلو کا تھیلا 7 ہزار 500 روپے کا ہوگیا، چینی کے تھیلے کا ایکس مل ریٹ 6 ہزار750 ہے۔
2025 میں اشیائے خورونوش اور یوٹیلیٹی چارجز کی قیمتوں میں نمایاں رد و بدل
ادارہ شماریات کے مطابق ایک سال میں چینی کی قیمت میں 16.32 فیصد اضافہ ہوا
ذرائع کے مطابق چینی کا ایکس مل ریٹ 135روپے فی کلو ہے جبکہ اوپن مارکیٹ میں چینی کی فی کلو قیمت 160روپے ہے، اوپن مارکیٹ میں چینی کی قیمت 10روپے بڑھا دی گئی ہے، چینی کی قیمت 150روپے ہونی چاہیے تھی۔
کریانہ مرچنٹ ایسوسی ایشن کے مطابق چینی عام دکانوں پر 150روپے پڑتی ہے اور چینی وافر مقدار میں مارکیٹ میں موجود ہے۔
Post time 
— فائل فوٹو 
