بھارتی اداکارہ شلپا شیٹی کے شوہر راج کندرا کے قانونی مسائل مزید سنگین ہو گئے ہیں۔ خصوصی عدالت نے کرپٹو کرنسی فراڈ اور مبینہ منی لانڈرنگ کیس میں راج کندرا کو طلب کرلیا۔
یہ سمن عدالت کی جانب سے انفورسمنٹ ڈائریکٹوریٹ （ای ڈی） کی طرف سے دائر الزامات کا جائزہ لینے کے بعد جاری کیے گئے ہیں۔
عدالت نے راج کندرا کو 19 جنوری 2026 کو پیش ہونے کی ہدایت کی ہے۔
عدالت نے دبئی میں مقیم تاجر راجیش رام ستیا کو بھی طلب کیا ہے، جس پر کیس میں مبینہ طور پر ملوث ہونے کا الزام ہے۔
بھارتی اداکارہ شلپا شیٹی اور شوہر کیخلاف 1 ارب 86 کروڑ روپے کے دھوکہ دہی کا مقدمہ
کراچی ممبئی پولیس نے بھارتی اداکارہ شلپا شیٹی اور...
عدالتی حکم بٹ کوائن اسکیم سے متعلق ہے، جو کرپٹو کرنسی میں سرمایہ کاری اور مائننگ کا ایک منصوبہ تھا، جس کے ذریعے ملک بھر میں ہزاروں سرمایہ کاروں کو مبینہ طور پر دھوکا دیا گیا۔
واضح رہے کہ اس سے قبل بھی راج کندرا اور شلپا شیٹی پر 60 کروڑ روپے کے فراڈ کے الزامات سامنے آ چکے ہیں، جن کی دونوں نے سختی سے تردید کی تھی۔
Post time 
فائل فوٹو 
