ایران میں غیر ملکی حمایت یافتہ عناصر نے احتجاج تشدد کی طرف موڑنے کی کوشش کی، ایرانی سفیر

slotcosino

  فائل فوٹو  

پاکستان میں ایران کے سفیر رضا امیری مقدم کا کہنا ہے کہ ایران میں غیر ملکی حمایت یافتہ عناصر نے احتجاج تشدد کی طرف موڑنے کی کوشش کی،  شرپسند عناصر نے اداروں، بازاروں اور رہائشی علاقوں پر حملے کیے۔

جیو نیوز سے گفتگو کرتے ہوئے ایرانی سفیر نے کہا کہ ایران میں سبسڈیز کے تحت معاشی اصلاحاتی عمل جاری ہے، قیمتوں میں اضافے پر پُرامن احتجاج کو حکومت نے جائز قرار دیا۔

ایرانی سفیر نے کہا کہ غیر ملکی حمایت یافتہ عناصر نے احتجاج تشدد کی طرف موڑنے کی کوشش کی، شرپسند عناصر نے اداروں، بازاروں اور رہائشی علاقوں پر حملے کیے، شرپسند عناصر کی حمایت عالمی قوانین کی خلاف ورزی ہے۔   
ایران میں عوامی احتجاج 100 سے زائد شہروں میں پھیل گیا، 47 افراد ہلاک، ڈھائی ہزار گرفتار

ایرانی وزارت خارجہ نے ایک بیان میں کہا امریکی بیانات عوام کی ہمدردی نہیں، بدامنی اور تشدد کو ہوا دینےکی کوشش ہیں   

رضا امیری نے کہا کہ غیر ملکی مداخلت ریاستی خود مختاری کے اصولوں کے منافی ہے، ایرانی عوام کی اکثریت ریاست اور سیکیورٹی اداروں کے ساتھ کھڑی ہے، ایران نے اپنی تاریخ میں بارہا سازشوں کا سامنا کیا اور ہر بار سرخرو ہوا۔

ایرانی سفیر نے کہا کہ امریکا انتہائی اشتعال انگیز اور غیر عقلی دور سے گزر رہا ہے، ایرانی قوم اپنی تہذیب اور قیادت کے ساتھ ہر سازش ناکام بنائے گی۔