قیادت کے انتخاب کے لیے فلسطینی مزاحمتی تنظیم حماس میں انتخابی عمل کا آغاز ہوچکا ہے، حماس ذرائع کا کہنا ممکنہ طور پر رواں ماہ کے اختتام تک انتخابی مرحلہ مکمل ہوجائے گا۔
عرب میڈیا کے مطابق حماس کی قیادت 16 اکتوبر 2024ء کے روز قائد یحیحیٰ سنوار کی شہادت کے بعد سے بغیر لیڈر کے محض مشترکہ مشاورتی نظام کے تحت چل رہی تھی، تاہم اب تنظیم میں باقاعدہ قیادت کے انتخاب کے سلسلے کا آغاز ہوچکا ہے۔
بین الاقوامی خبر ایجنسی نے بتایا ہے کہ حماس کی جانب سے اس امر کی تصدیق کی گئی ہے کہ اس مہینے کے اختتام تک حماس کی قیادت کے انتخاب کا مرحلہ مکمل ہوجائے گا۔
یحییٰ سنوار کے بعد حماس کی قیادت کون سنبھالے گا؟
اسرائیلی فوج نے فلسطین کی مزاحمتی تنظیم حماس کے نئے سربراہ یحییٰ سنوار کو شہید کرنے کا دعویٰ کیا ہے۔
حماس کی قیادت کے حوالے سے خلیل الحیّا اور خالد مشعل کے نام کافی عرصے سے توجہ کا مرکز ہیں ممکنہ طور پر ان میں سے کوئی ایک شخص مستقبل میں گروپ کی قیادت سنبھالے گا۔
ذرائع کا کہنا ہے کہ انتخاب کے عمل میں شورہ کے 50 ارکان حصہ لیں گے اور یہ عمل خفیہ رائے شماری کے ذریعے مکمل کیا جائے گا۔
Post time 
