باجوڑ: حالیہ آپریشن میں جزوی متاثرہ گھروں کی تعمیر نو کیلئے رقم 5 لاکھ کرنے کا اعلان

slotcosino

  وزیر اعلیٰ خیبر پختونخوا سہیل آفریدی : فائل فوٹو  

وزیر اعلیٰ خیبر پختونخوا سہیل آفریدی نے باجوڑ میں حالیہ آپریشن میں جزوی متاثرہ گھروں کی تعمیر نو کے لیے رقم 1 لاکھ 60 ہزار سے بڑھا کر 5 لاکھ کرنے کا اعلان کیا گیا۔

وزیر اعلیٰ خیبر پختونخوا سہیل آفریدی کی زیر صدارت باجوڑ کے پارلیمنٹیرینز، قومی مشران اورعمائدین پر مشتمل جرگہ منعقد ہوا۔

باجوڑ جرگے نے وزیر اعلیٰ خیبر پختونخوا  پر اعتماد کا اظہار کرتے ہوئے انہیں تعاون کی یقین دہانی کروائی، صوبے میں امن و امان کی صورتحال، ترقیاتی حکمت عملی پر غور کیا گیا۔   
باجوڑ میں سیکیورٹی فورسز کی کارروائی، پی ٹی آئی اور اے این پی رہنما کے قتل میں ملوث دہشتگرد مارا گیا

دہشتگرد پی ٹی آئی رہنما ریحان زیب، اے این پی کےمولانا خان زیب، ڈپٹی کمشنر ناوگئی اور جے یو آئی کے ارکان کے قتل میں بھی شامل تھا۔   

صوبے میں امن و امان کی صورتحال، ترقیاتی حکمت عملی پر غور و خوص کیا گیا، شرکاء کی جانب سے مستقل امن کے قیام بارے تجاویز پیش کی گئیں۔

سہیل آفریدی نے کہا کہ صوبے میں امن کے قیام کے لیے قبائلی مشران، عوام، پولیس اور سیکیورٹی فورسز نے اپنی جانوں کے نذرانے پیش کیے، 2018 میں قربانیوں کی بدولت ملک میں مکمل امن قائم ہو چکا تھا، اب حالات کو جان بوجھ کر خراب کرنے کی کوشش کی جا رہی ہے۔   
آئی جی خیبر پختونخوا نے آر پی او ملاکنڈ سے باجوڑ دھماکے کی رپورٹ طلب کرلی

آئی جی ذوالفقارحمید نے ایڈیشنل آئی جی سی ٹی ڈی کو خصوصی ٹیم باجوڑ بھجوانےکی ہدایت کی ہے۔   

وزیر اعلیٰ نے کہا کہ امن و امان کے قیام کا مؤثر طریقہ قبائلی مشران اور صوبائی حکومت کو اعتماد میں لے کر فیصلہ سازی ہے، ہم کسی بھی ناکام پالیسی کا حصہ نہیں بنیں گے، امن و امان کے لیے باجوڑ کے عوام اور قبائلی مشران کا کردار قابلِ ستائش ہے۔

سہیل آفریدی نے کہا کہ فاٹا انضمام کے وقت 100 ارب روپے سالانہ کا وعدہ کیا گیا تھا، گزشتہ 7 سالوں میں صرف 168 ارب روپے دیے گئے، 532 ارب روپے وفاق کے ذمے بقایا ہیں، اے آئی پی کی مد میں وفاقی حکومت فنڈز نہیں دے رہی۔   
باجوڑ: کرکٹ گراؤنڈ میں دھماکا، 1 شخص جاں بحق، بچہ زخمی

خیبر پختون خوا کے ضلع باجوڑ کے علاقے خار کے کرکٹ گراؤنڈ میں دھماکا ہوا ہے۔   

وزیر اعلیٰ نے ضم اضلاع میں پولیس میں بھرتیوں کےلیے عمر کی حد بڑھانے کی ہدایت کردی جبکہ باجوڑ کے شہداء پیکیج پر کام تیز کرنے کی ہدایت کی گئی۔

سہیل آفریدی نے امن کے قیام اور قومی ترقی میں اہم کردار ادا کرنے والے قبائلی مشران کو سیکیورٹی فراہم کرنے کی ہدایت کی گئی۔

وزیر اعلیٰ نے کہا کہ ضم اضلاع کے لیے روشن قبائل پیکیج میں موجود اسکولوں اور اسپتالوں کو بہتر بنایا جائے گا۔