سانحہ گل پلازا: ضروری نہیں کہ حادثے کے وقت وزیراعلیٰ اور وزراء پہنچیں، شہلا رضا

slotcosino

  

پاکستان پیپلز پارٹی کی رہنما شہلا رضا نے کہا ہے کہ ضروری نہیں کہ حادثے کے وقت وزیراعلیٰ اور وزراء پہنچیں، سب سے ضروری وہاں پر ریسکیو عملے کا پہنچنا ہوتا ہے اور راستہ بنانا ہوتا ہے۔

قومی اسمبلی کے اجلاس میں اظہار خیال کرتے ہوئے شہلا رضا نے کہا کہ گل پلازا واقعہ ایک سانحے میں تبدیل ہوا اس پر پوائنٹ اسکورنگ نہیں کرنا چاہتی۔

انہوں نے کہا کہ ٹریفک کی وجہ سے بہت مسئلہ ہو رہا ہے، گل پلازا کے 26 میں سے 24 راستے بند تھے۔   
سانحہ گل پلازا: لاپتہ افراد میں مزید 10 کا اضافہ، تعداد 81 ہوگئی

ڈی سی ساؤتھ جاوید نبی کھوسو نے جیو نیوز سے گفتگو میں بتایا کہ رات میں 2 مزید لاشیں ملی ہیں، گل پلازا کے گراؤنڈ فلور اور پہلی منزل کو کلیئر کردیا گیا ہے۔   

شہلا رضا نے کہا کہ گل پلازا 1980 میں بنایا گیا اس کی بنیاد میں 180 دکانیں تھیں، گراؤنڈ فلور پر 405 دکانیں بنائی گئیں اور پہلے فلور پر 175 دکانیں بنائی گئی تھیں۔

ان کا کہنا تھا کہ 1998 میں یہ فیصلہ ہوا کہ مزید دکانیں اس میں شامل کی جائیں، بعدازاں اس پلازے میں پارکنگ اور کوریڈور میں بھی دکانیں بنائی گئیں۔

پیپلز پارٹی کی ایم این اے نے کہا کہ گل پلازا واقعے کا مقابلہ کریمنل ایکٹ سے نہیں کیا جاسکتا جس میں دو ڈھائی سو جانیں گئی ہوں۔

شہلا رضا نے کہا کہ نیوزی لینڈ میں آگ لگی تو 40 افراد جاں حق ہوگئے تھے، آگ جب لگتی ہے تو کیلیفورنیا کے جنگل سے بھی گھروں کو لگ جاتی ہے، یہ آگ ہے، ہو جاتا ہے۔

انہوں نے کہا کہ لاہور میں حفیظ سینٹر میں سال میں 3 مرتبہ آگ لگ چکی ہے لیکن اس پر کوئی سیاست نہیں کی گئی، یہ عجیب ہے ایک واقعے کو بنیاد بنا کر آپ صوبوں تک 18ویں ترمیم اور بنیادی تعلیم تک چلے گئے۔