مری میں شدید برفباری کے بعد ضلعی انتظامیہ کو ہائی الرٹ کر دیا گیا ہے۔
مری کے اندر موجود 5 ہزار گاڑیوں کو بحفاظت نکالنے کے لیے ریسکیو آپریشن شروع کردیا گیا ہے۔
مری کے ڈپٹی کمشنر کے مطابق ہیوی مشینری، کرینیں اور لوڈرز شاہراہوں سے برف ہٹانے میں مصروف ہیں۔ حدِ نگاہ صفر ہونے کے باعث مزید گاڑیوں کے داخلے پر پابندی لگادی گئی ہے۔
وادی تیراہ: برفباری میں پھنسے آئی ڈی پیز کیلئے ریسکیو آپریشن جاری
خیبر پختونخوا کے ضلع خیبر کی وادی تیراہ میں حالیہ...
ڈپٹی کمشنر کا کہنا ہے کہ سیاحوں کی حفاظت اولین ترجیح ہے، تمام وسائل انخلا کے لیے وقف کردیے ہیں۔
انہوں نے مزید کہا کہ سیاحوں کو یقین دہانی کروائی گئی ہے کہ وہ پریشان نہ ہوں، پولیس اور انتظامیہ سڑکوں پر موجود ہے۔
شہریوں کو مری کا سفر فوری ترک کرنے اور گاڑیوں میں ہیٹر استعمال کرنے والے آکسیجن کا خیال رکھنے کی ہدایت کی گئی ہے۔
ضلعی انتظامیہ کا کہنا ہے کہ جب تک آخری سیاح نہیں نکل جاتا تمام افسران فیلڈ میں رہیں گے۔
Post time 2026-1-23 19:58:49
فائل فوٹو 
