پاکستان کے معروف یوٹیوبر سعد الرحمٰن المعروف ’ڈکی بھائی‘ نے 10 ملین سبسکرائبرز کا سنگِ میل عبور کرلیا۔
فیملی ولاگز اور روستنگ ویڈیوز سے شہرت حاصل کرنے والے ڈکی بھائی حالیہ دنوں میں اس وقت توجہ کا مرکز بننے جب انہیں 16 اگست 2025 کو ملائیشیا میں ایک ایونٹ کے لیے روانگی سے قبل اہلیہ کے ہمراہ ایئرپورٹ پر ایف آئی اے نے گرفتار کیا۔
یوٹیوبر کو تین ماہ جیل میں گزارنا پڑے اور بالآخر رہائی سے قبل ایک ایف آئی اے افسر کو بھاری رقم بھی ادا کرنا پڑی۔
اب ڈکی نے ایک نیا ولاگ شیئر کیا ہے، جس میں انہوں نے تمام تنازعات کے باوجود ایک بڑی کامیابی کا جشن منایا۔
ڈکی بھائی کی سالگرہ پر 10 لاکھ کا چیک کس نے بھیجا؟
حال ہی میں ضمانت پر رہائی پانے والے پاکستان کے معروف یوٹیوبر سعد الرحمان عرف ڈکی بھائی نے دعویٰ کیا ہے کہ ایک چاہنے والے نے انہیں 10 لاکھ روپے کا چیک بھیجا ہے۔
انہوں نے اپنے مداحوں کے ساتھ 3 گھنٹے طویل لائیو اسٹریم بھی کی، جو اس وقت تک جاری رہی جب تک ان کا یوٹیوب چینل 10 ملین سبسکرائبرز کا ہدف حاصل نہیں کر سکا۔
7 برسوں کے دوران 10 ملین سبسکرائبرز مکمل ہونے پر ڈکی بھائی نے اپنے مداحوں سے شکریہ ادا کیا۔
انہوں نے مشکل وقت میں ساتھ دینے پر اپنی والدہ کا خصوصی طور پر شکریہ ادا کیا۔ ان کی والدہ نے فون کال پر اپنی خوشی کا اظہار کرتے ہوئے کہا کہ یہ سب ناقابلِ یقین لگتا ہے اور انہیں اندازہ نہیں کہ 10 ملین کا احساس کیسا ہوتا ہے، لیکن اگر بیٹا خوش ہے تو وہ بھی خوش ہیں۔
Post time 2026-1-26 17:30:51
— اسکرین گریب 
