نیپرا نے پروٹیکٹڈ صارفین پر بھی فکسڈ چارجز لگا دیے، پاور ڈویژن کی درخواست پر فیصلہ

slotcosino

  فوٹو: فائل

نیشنل الیکٹرک پاور ریگولیٹری اتھارٹی （نیپرا） نے پروٹیکٹڈ صارفین پر بھی فکسڈ چارجز لگا دیے جبکہ ماہانہ 301 سے 600 یونٹ تک استعمال کرنے والے نان پروٹیکٹڈ صارفین پر فکسڈ چارجز میں اضافہ کردیا۔

نیپرا نے فکسڈ چارجز کے حوالے سے پاور ڈویژن کی درخواست پر فیصلہ جاری کردیا جس میں کہا گیا کہ فکسڈ چارجز پروٹیکٹڈ اور نان پروٹیکٹڈ صارفین پر لگائے گئے ہیں۔  

اس سے پہلے صرف 300 یونٹ سے زائد استعمال کے نان پروٹیکٹڈ صارفین پر فکسڈ چارجز عائد تھے۔

نیپرا کے مطابق ماہانہ 100 یونٹ استعمال کرنے والے پروٹیکٹڈ صارفین پر 200 روپے فکسڈ چارجز عائد کردیے گئے ہیں۔    
بجلی، چھوٹے صارفین پر فکسڈ چارجز، 100 یونٹ پر 200 روپے، 200 یونٹ پر 300 روپے فکسڈ چارجز لگانے کی تجویز، نیپرا میں سماعت

اسلام آبادپاکستان میں نیٹ میٹرنگ ریگولیشنز کے...   

ماہانہ 200 یونٹ بجلی استعمال کرنے والے پروٹیکٹڈ گھریلو صارفین پر 300 روپے ماہانہ فکسڈ چارجز عائد کیے گئے ہیں۔  

اسی طرح 100یونٹ تک کے نان پروٹیکٹڈ صارفین پر 275 روپے ماہانہ فکسڈ چارجز عائد کیے گئے ہیں۔ ماہانہ 200 یونٹ تک کے نان پروٹیکٹڈ صارفین پر 300 روپے فکسڈ چارجز عائد کیے گئے  ہیں۔  

ماہانہ 300یونٹ تک استعمال کرنے والے نان پروٹیکٹڈ صارفین پر 350 روپے فکسڈ چارجز عائد کیے گئے ہیں۔  

ماہانہ 301 سے 400 یونٹ تک کے نان پروٹیکٹڈ صارفین پر فسکڈ چارجز 200 روپے اضافے سے 400 روپے کردیے گئے ہیں۔    
نئے نیپرا قواعد سستی بجلی دینے والے شہریوں کو سزا دینے کے مترادف ہیں، شیری رحمان

پاکستان پیپلزپارٹی（ پی پی پی） کی نائب صدرسینیٹر شیری رحمان نے نئی نیشنل الیکٹرک پاور ریگولیٹری اتھارٹی （نیپرا） پالیسی کو توانائی منتقلی کو سست قرار دیدیا۔   

ماہانہ 401 سے 500 یونٹ استعمال کرنے والے نان پروٹیکٹد صارفین پر 100 روپے اضافے سے فکسڈ چارجز 500 روپے مقرر کردیے گئے ہیں۔  

نیپرا فیصلے کے مطابق ماہانہ 600 یونٹ استعمال پر فکسڈ چارجز 75 روپے اضافے سے 675 روپے۔

ماہانہ 700 یونٹ تک استعمال پر فکسڈ چارجز 125 روپے کمی سے 675 روپے مقرر کیے گئے ہیں جبکہ ماہانہ 700 یونٹ سے زائد بجلی استعمال پر فکسڈ چارجز 325 روپے کمی سے 675 روپے مقرر کردیے گئے ہیں۔  

نیپرا فیصلے میں کہا گیا کہ صنعتی صارفین کےلیے فی یونٹ بجلی 4 روپے 40 پیسے سستی کر دی گئی ہے۔    
نیٹ میٹرنگ ریگولیشنز معاملہ، وزیراعظم کی اقلیتی رائے کو ترجیح، اندرونی کہانی سامنے آگئی

اسحاق ڈار نے نیپرا کی نئی ریگولیشنز کے تحت نیٹ بلنگ کی حمایت کی، اویس لغاری کی جانب سے بھی نیٹ بلنگ کی حمایت کی گئی، ذرائع   

ماہانہ 301 سے 400 یونٹ بجلی استعمال کرنے والے گھریلو صارفین کے لیے 1 روپے 53 پیسے کمی کردی گئی ہے۔  

ماہانہ 401 سے 500 یونٹ استعمال پر گھریلو صارفین کے لیے 1 روپے 25 پیسے فی یونٹ، 501 سے 600 یونٹ پر 1 روپے 40 پیسے،  601 سے 700 یونٹ تک 91 پیسے کمی اور 700 یونٹ سے زائد استعمال پر 49 پیسے فی یونٹ کمی کردی گئی ہے۔  

ذرائع کا کہنا ہے کہ وفاقی حکومت بجلی کے حوالے سے نئے ٹیرف کا حتمی نوٹیفکیشن جاری کرے گی۔