|
|
— تصویر بشکریہ رپورٹر
علی مصطفیٰ ڈار کو وزیرِ اعلیٰ پنجاب کا مشیر برائے آرٹیفیشل انٹیلیجنس مقرر ہونے پر مسلم لیگ ن جاپان کے صدر ملک نور اعوان نے مبارکباد پیش کر دی۔
مریم نواز کے علی ڈار کو مشیر برائے آرٹیفیشل انٹیلیجنس اور اسپیشل انیشی ایٹوز مقرر کرنے کے فیصلے کو سیاسی و اوورسیز حلقوں میں خوش آئند قرار دیا جا رہا ہے۔
اس موقع پر پاکستان مسلم لیگ ن جاپان کے صدر ملک نور اعوان نے علی ڈار کو دلی مبارکباد پیش کرتے ہوئے کہا ہے کہ یہ تقرری مکمل طور پر میرٹ، قابلیت اور جدید تقاضوں کو سامنے رکھ کر کی گئی ہے۔
ملک نور اعوان نے اپنے تہنیتی پیغام میں کہا ہے کہ علی ڈار جدید ٹیکنالوجی خصوصاً آرٹیفیشل انٹیلیجنس کے شعبے میں گہری علمی سمجھ بوجھ اور مستقبل بین وژن رکھتے ہیں۔
ان کا کہنا ہے کہ آج کے دور میں ٹیکنالوجی ترقی، شفاف حکمرانی اور عوامی سہولتوں کے فروغ میں بنیادی کردار ادا کر رہی ہے اور ایسے میں علی ڈار جیسے باصلاحیت نوجوان کا انتخاب پنجاب کے لیے ایک مثبت پیش رفت ہے۔
انہوں نے کہا کہ وزیرِ اعلیٰ پنجاب مریم نواز نے اس تقرری کے ذریعے ایک بار پھر یہ ثابت کیا ہے کہ مسلم لیگ ن میرٹ اور اہلیت پر یقین رکھتی ہے۔
صدر پاکستان مسلم لیگ ن جاپان نے امید ظاہر کی کہ علی ڈار اپنی علمی قابلیت اور پیشہ ورانہ مہارت کو بروئے کار لاتے ہوئے پنجاب میں ڈیجیٹل اصلاحات، جدید پالیسی سازی اور ٹیکنالوجی کے فروغ میں مؤثر کردار ادا کریں گے۔
ملک نور اعوان نے وزیرِاعلیٰ پنجاب مریم نواز شریف کو بھی اس بہترین انتخاب پر مبارکباد دیتے ہوئے کہا کہ وہ نوجوان اور باصلاحیت قیادت کو آگے لا کر صوبے اور ملک کو مستقبل کے تقاضوں سے ہم آہنگ کرنے کے لیے سنجیدہ اقدامات کر رہی ہیں۔
ان کے مطابق ایسے فیصلے ناصرف پنجاب بلکہ پورے پاکستان کے لیے ترقی کی نئی راہیں ہموار کریں گے۔ |
|
Post time 2026-2-12 23:34:24