|
|
 تصویر سوشل میڈیا۔
بنگلادیش میں قومی انتخابات کے ساتھ قومی ریفرنڈم بھی کرایا گیا۔ڈھاکا سے اب تک کے نتائج کے مطابق 63 فیصد ووٹرز نے اصلاحات کے حق میں ووٹ ڈالا ہے۔
اب تک کے غیر سرکاری و غیر حتمی نتائج کے مطابق 37 فیصد ووٹرز نے اصلاحات کے خلاف ووٹ کاسٹ کیا۔
ڈھاکا سے بنگلادیشی میڈیا کے مطابق ریفرنڈم کے جواب میں عوام کو ’ہاں‘ یا ’نہیں‘ کا انتخاب کرنا تھا۔
یہ بھی پڑھیے
- بنگلادیش: ہوشیار اور ثابت قدمی سے کھڑے رہیں، امیر جماعت اسلامی کی کارکنوں کو ہدایت
- بنگلادیش انتخابات: بی این پی رہنما محب الزمان پولنگ اسٹیشن میں گر کر جاں بحق
بنگلادیشی میڈیا کے مطابق ریفرنڈم سے ملک کے مستقبل کے سیاسی و آئینی ڈھانچے کا تعین کیا جائے گا، ریفرنڈم میں جولائی نیشنل چارٹر میں وسیع آئینی اصلاحات کی تجاویز مانگی گئی ہیں۔
تجاویز میں وزیر اعظم کے لیے دو مدتوں کی حد اور مستقبل کے انتخابات کے لیے غیر جانبدار نگراں حکومت کی بحالی شامل ہے۔
بنگلادیشی میڈیا کے مطابق تجاویز میں پارلیمنٹ کے لیے ایوانِ بالا کا قیام شامل ہے، جس میں 100 نامزد اراکین شامل ہوں گے، موجودہ منتخب ارکان کی تعداد 350 رہے گی۔ |
|
Post time 2026-2-13 02:10:42