|
|
 امریکا نے پہلی بار تجویز دی ہے کہ مذاکراتی وفود آئندہ ہفتے امریکا میں ملاقات کریں، زیلینسکی - فوٹو: فائل
یوکرین کے صدر ولودوومیر زیلینسکی نے کہا ہے کہ امریکا چاہتا ہے کہ یوکرین اور روس کے درمیان جاری جنگ جون تک ختم ہوجائے۔
غیر ملکی خبر رساں ایجنسی کی رپورٹ کے مطابق یوکرینی صدر کا کہنا تھا کہ امریکا نے پہلی بار تجویز دی ہے کہ مذاکراتی وفود آئندہ ہفتے امریکا میں ملاقات کریں۔
یہ بھی پڑھیے
- روس ڈونباس پر کنٹرول چاہتا ہے لیکن اسے قبول نہیں کریں گے، زیلینسکی
- یوکرین میں توانائی کا بحران، صدر زیلینسکی کے انٹرویو کے دوران بجلی بند
انہوں نے کہا کہ یوکرینی اور روسی مذاکراتی وفود کے درمیان ملاقات کا ممکنہ مقام میامی ہوسکتا ہے۔
صدر زیلینسکی کا کہنا تھا کہ یوکرین اپنی خودمختاری سے متعلق کسی بھی فیصلے میں براہِ راست شمولیت کو ناگزیر سمجھتا ہے۔
انہوں نے یہ بھی کہا کہ یوکرین کسی بھی ممکنہ معاہدے کی حمایت نہیں کرے گا جو اسکی شرکت کے بغیر طے پایا جائے۔ |
|
Post time 2026-2-13 02:12:09