|
|
ایشین روڈ سائیکلنگ چیمپئن شپ میں پاکستانی خواتین نے نمایاں پرفارمنس کا مظاہرہ کرتے ہوئے 2 گولڈ اور ایک سلور و برانز میڈل جیت لیا۔
پاکستان کی رابعہ غریب نے ماسٹرز کیٹیگری میں 2 گولڈ، زینب رضوان نے سلور اور برانز میڈلز اپنے نام کرلیا۔
رابعہ غریب نے ماسٹرز کیٹیگری کے انفرادی ٹائم ٹرائل اور انفرادی روڈ ریس میں گولڈ جیتے۔
انفرادی ٹائم ٹرائل میں 50-54 کے ایج گروپ میں رابعہ نے ریس 24 منٹ 50 سیکنڈز میں مکمل کی جبکہ انفرادی روڈ ریس میں 46 اعشاریہ 8 کلو میٹر کا فاصلہ 1 گھنٹہ 25 منٹ 50 سکینڈ میں مکمل کیا ۔
ماسٹرز میں خواتین کی 50-54 ایج کیٹیگری میں رابعہ غریب واحد سائیکلسٹ تھیں،کامیابی کے ساتھ اپنی ریس مکمل کرنے پر وہ دونوں مقابلوں میں گولڈ کی حقدار قرار پائیں۔
خواتین کی 40-44 ایج گروپ کی روڈ سائکلنگ میں زینب رضوان 6 سائیکلسٹس میں دوسرے نمبر پر رہیں، انہوں نے فاصلہ 1 گھنٹے 25 منٹ اور 8 سکینڈز میں طے کرکے سلور میڈل جیت لیا۔
آئی ٹی ٹی میں زینب رضوان نے 27 منٹ 27 سیکنڈز میں 15 اعشاریہ8 کلو میٹر طے کرکے برانز میڈل حاصل کیا۔ |
|
Post time 2026-2-13 02:51:09