|
|
جیو ٹی وی اور معروف ہدایتکار بابر جاوید کی مشترکہ پیشکش، نیا شاہکار ڈرامہ سیریل ”ہمراہی“ ناظرین کیلئے سال کی سب سے بڑی اور یادگار محبت بھری کہانی لے کر بہت جلد ٹی وی اسکرین کی زینت بننے جا رہا ہے۔
ڈرامے کا ایکشن، تھرل اور تجسس سے بھرپور شاندار ٹریلر جاری کردیا گیا ہے جس نے عوام کے دلوں میں بےقراری کی لہر دوڑ ادی ہے۔
”ہمراہی“ کے مرکزی کردار دانش تیمور اور ہر دلعزیز اداکارہ حبہ بخاری کی اسکرین پر رومانوی کیمسٹری کو مداحوں کی جانب سے بےحد سراہا جا رہا ہے۔
ڈرامے میں اظفر رحمان، حاجرہ یامین اور شیز سجاد گل بھی اہم کرداروں میں جلوہ گر ہوں گے۔
”ہمراہی“ کی ہدایتکاری کے فرائض بابر جاوید انجام دے رہے ہیں جبکہ اس کی متاثر کن اور جذبات سے بھرپور تحریر زنجبیل عاصم کے قلم کا شاہکار ہے۔
ڈرامے کی پہلی جھلک نے ریلیز ہوتے ہی سوشل میڈیا پر بھی دھوم مچادی ہے۔
یاد رہے کہ یہ سال 2026 کی سب سے بڑی اور یادگار رومانٹک پیشکش بننے جا رہا ہے۔ |
|
Post time 2026-2-13 03:28:11