|
|
سوشل میڈیا انفلوئنسر نے اداکارہ پرینیتی چوپڑا کے شوہرراگھو چڈھا کو ہینڈسم کہا اور ان کی اہلیہ سے تصدیق کروالی۔
بھارتی میڈیا رپورٹ کے مطابق انسٹاگرام انفلوئنسر جوڑے نے ایئرپورٹ پر سستی چائے اور سموسے سے متعلق ویڈیو شیئر کی، جو دیکھتے ہی دیکھتے وائرل ہوگئی۔
ہوا کچھ یوں کہ جوڑے نے ہوائی اڈے پر سستے کھانے کی سہولت کی تعریف کی اور اس کا کریڈٹ عام آدمی پارٹی کے ممبر پارلیمنٹ راگھو چڈھا کو دیا۔
پیوش ترپاٹھی نامی انفلوئنسر اور اُن کی اہلیہ نے ہوائی اڈے پر چائے اور سموسہ خریدا، جو بالترتیب 10 اور 20 روپے میں ملا، جس پر وہ خوش دکھائی دیے کیونکہ عمومی طور پر ہوائی اڈوں پر کھانا مہنگا تصور کیا جاتا ہے۔
90 لاکھ سے زائد ویوز لینے والی اس ویڈیو میں پیوش اور اُس کی اہلیہ نے اس سہولت کا کریڈٹ عام آدمی پارٹی کے سیاستدان کو یہ دیا، ساتھ ہی بیوی سے استفسار کیا کہ ’تمہیں راگھو چڈھا کیسا لگتا ہے؟ خاتون نے مسکراہٹ سے بھرپور جواب دیا ’ہنڈسم ‘۔
اس ریل کو راگھو چڈھا اور پرینیتی چوپڑا نے بھی دیکھا اور تبصرے کیے، جس کی وجہ سے ویڈیو اور پوسٹ مزید مقبول ہوگئی۔
بھارتی ممبرپارلیمنٹ نے اپنے کمنٹ میں کہا کہ ’ ہاہا، امید ہے آپ نے سموسہ انجوائے کیا ہوگا، جس پر انفلوئنسر نے پرینیتی چوپڑا کو ٹیگ کرکے درخواست کی اور لکھا ’میم، آپ بھی اس ویڈیو کو تسلیم کرلیں کیونکہ سر کی یہاں پر زبردست فین فالوئنگ ہے۔
اس پر اداکارہ نے شوہر سے متعلق چل رہی بحث میں حصہ ڈالا اور کہا کہ ’میں اس سے پوری طرح متفق ہوں‘۔
راگھو چڈھا سے متعلق اس ویڈیو پوسٹ پر بہت سے مداحوں نے بھی تبصرے کیے اور ان کی پراثر شخصیت کی تعریف کی، ایک صارف نے لکھا کہ وہ صرف شکل سے ہینڈسم نہیں بلکہ ان کی ذہانت بھی شاندار ہے۔ |
|
Post time 2026-2-13 04:09:05