امر خان کو مادھوری ڈکشٹ سے متاثر ہو کر رقص کرنا مہنگا پڑ گیا

slotcosino

  
— اسکرین گریب

پاکستانی معروف اداکارہ امر خان کو بھارتی اداکارہ مادھوری ڈکشٹ سے متاثر ہوکر رقص کرنا مہنگا پڑ گیا۔

اداکارہ کا رقص سوشل میڈیا صارفین کی توجہ کا مرکز بنتے ہی شدید تنقید کی زد میں آگیا۔

مختلف سوشل میڈیا پلیٹ فارمز پر امر خان کی ایک ویڈیو وائرل ہو رہی ہے، وائرل ویڈیو میں انہوں نے بالی ووڈ اداکارہ مادھوری ڈکشٹ کے مشہور گانے ’چولی کے پیچھے کیا ہے‘ پر رقص کیا۔

  @amarkhanofficial Always a Madhuri and lehenga choli fan.. Wearing Fahad Hussayn @NABILA #amarkhan #trendingvideo #pakistani_tik_tok #dancetiktok #wedding original sound - Amar khan

رقص کے دوران انہوں نے گہرے اورنج اور شوکنگ پنک رنگ کا لہنگا چولی پہنا۔

امر خان اس بات کا ذکر کر چکی ہیں کہ وہ ہمیشہ سے مادھوری ڈکشٹ کی مداح رہی ہیں، خاص طور سے ان کے لہنگا چولی اسٹائلز کی۔  

انہوں نے ویڈیو پر لکھا کہ پی او وی: اورنج لہنگا چولی میرے اندر کی مادھوری کی فین کو جگا دیتا ہے۔

انہوں نے اپنی بولڈ ڈانس ویڈیو خصوصی طور پر ٹک ٹاک پر شیئر کی، تاہم اس پر سوشل میڈیا صارفین کی جانب سے سخت تنقید کی جا رہی ہے۔

بعض صارفین نے ان کے لباس کو حد سے زیادہ بولڈ قرار دیتے ہوئے تنقید کی، ایک صارف نے طنزیہ انداز میں لکھا کہ بہن، پاکستان آپ کی اس صلاحیت کو نہیں مان رہا، بھارت چلی جائیں اور اس سے بھی زیادہ بولڈ کپڑے پہنیں۔