بانیٔ پی ٹی آئی کو علاج کی جیسی سہولت کی ضرورت ہو گی فراہم کریں گے: دانیال چوہدری

slotcosino

  
دانیال چوہدری---فائل فوٹو

پارلیمانی سیکریٹری اطلاعات و نشریات دانیال چوہدری نے کہا ہے کہ بانیٔ پی ٹی آئی کو پہلے بھی تمام سہولتیں فراہم کی گئی ہیں، انہیں علاج کی جیسی سہولت کی ضرورت ہو گی فراہم کریں گے۔

میڈیا سے گفتگو کے دوران دانیال چوہدری نے کہا کہ میڈیکل بورڈ جو سفارش کرے گا اس پر کوئی دوسری رائے نہیں ہے، جس طرح کی میڈیکل اور معالج کی ضرورت ہو گی وہ فراہم کیے جائیں گے۔

انہوں نے مزید کہا کہ مفاہمت کے ساتھ بات کرنے اور مذاکرات کے لیے تیار ہیں، بلیک میلنگ پر نہیں۔

دانیال چوہدری نے یہ بھی کہا کہ ضمانت اور باہر جانے کا اصول تب لاگو ہوتا ہے جب آپ کی جان کو خطرہ ہو۔