امارات کی سلامتی و استحکام پاکستان کی سلامتی کا لازمی جزو ہے: فیلڈ مارشل سید عاصم منیر

slotcosino

  
—فوٹو بشکریہ جیو نیوز

فیلڈ مارشل عاصم منیر کا کہنا ہے کہ متحدہ عرب امارات کی سلامتی اور استحکام پاکستان کی سلامتی کا لازمی جزو ہے۔

یہ بات انہوں نے یو اے ای کے نائب حکمراں اور مشیرِ قومی سلامتی سے ملاقات کے موقع پر کہی ہے۔

انٹر سروسز پبلک ریلیشنز （آئی ایس پی آر） کے مطابق فیلڈ مارشل عاصم منیر کی شیخ طحنون بن زاید النہیان سے ابوظبی میں ملاقات ہوئی ہے۔   
فیلڈ مارشل عاصم منیر کی امریکی وزیر خارجہ سے ملاقات

آئی ایس پی آر کے مطابق فیلڈ مارشل نے 62 ویں میونخ سیکیورٹی کانفرنس میں شرکت کی۔   

آئی ایس پی آر کے مطابق ملاقات میں باہمی تعاون خصوصاً معیشت، سرمایہ کاری اور سلامتی امور پر گفتگو ہوئی، دونوں رہنماؤں نے خطے کی صورتِ حال، امن و سلامتی کے فروغ کے لیے مسلسل رابطوں پر زور دیا۔

فیلڈ مارشل نے متحدہ عرب امارات کی پاکستان کی مستقل حمایت پر شکریہ ادا کرتے ہوئے کہا کہ یہ تعاون دونوں برادر ممالک کے درمیان گہرے تاریخی تعلقات کا مظہر ہے۔

فیلڈ مارشل نے پاکستان میں معاشی و سماجی ترقی کے فروغ میں اماراتی قیادت کے تعمیری کردار کو سراہا۔