سلمان اکرم اور بیرسٹر گوہر اڈیالہ گئے، ملاقات نہیں کرائی گئی، سینیٹر فیصل جاوید

slotcosino

  سینیٹر فیصل جاوید خان（فائل فوٹو）۔

پی ٹی آئی رہنما سینیٹر فیصل جاوید خان نے کہا کہ سلمان اکرم راجہ اور بیرسٹر گوہر علی خان اڈیالہ گئے تھے، ملاقات نہیں کرائی گئی۔

پارلیمنٹ ہاؤس میں جیونیوز سے گفتگو کرتے ہوئے سینیٹر فیصل جاوید خان نے کہا بتایا گیا کہ بشریٰ بی بی کی فیملی اور بانی سے ملاقات کرا دی گئی۔

انھوں نے کہا کہ محمود اچکزئی اور علامہ ناصر عباس کی صدارت میں اجلاس جاری ہے، اجلاس میں دھرنا ختم کرنا ہے یا نہیں، وہ فیصلہ انہیں ہی کرنا ہے۔

سینیٹر فیصل جاوید نے کہا جائز مطالبہ ہے کہ بانی پی ٹی آئی سے ذاتی معالجین کی ملاقات کروائی جائے، ڈاکٹر فیصل سلطان یا ڈاکٹر عاصم سے بانی پی ٹی آئی کی ملاقات کروائی جائے۔