معروف امریکی گلوکارہ ٹیلر سوئفٹ کو ایک مرتبہ پھر دنیا کی سب سے زیادہ مقبول گلوکارہ قرار دے دیا گیا، انہوں نے مسلسل کامیابی حاصل کرتے ہوئے اپنا ہی سابقہ ریکارڈ بھی پیچھے چھوڑ دیا۔
36 سالہ گلوکارہ نے عالمی سطح پر موسیقی کی فروخت کا جائزہ لینے والے ادارے IFPI کی سالانہ درجہ بندی میں مسلسل چھٹی بار پہلی پوزیشن حاصل کی، مجموعی طور پر یہ چوتھا موقع ہے جب وہ اس اعزاز کو برقرار رکھنے میں کامیاب رہیں۔
وہ اس سے قبل 2014ء، 2019ء، 2022ء، 2023ء اور 2024ء میں بھی سرِفہرست رہ چکی ہیں، جبکہ 2020ء اور 2021ء میں یہ اعزاز جنوبی کوریا کے معروف موسیقی بینڈ بی ٹی ایس نے حاصل کیا تھا۔
سال 2025ء کی فہرست میں ٹیلر سوئفٹ پہلے نمبر پر رہیں، جبکہ دیگر اس فہرست میں شامل دیگر نمایاں فنکاروں میں لیڈی گاگا، سبرینا کارپینٹر اور بلی ایلش سمیت دیگر شامل ہیں۔
ٹیلر سوئفٹ کا اعزاز، دنیا کی امیر ترین خاتون موسیقار بن گئیں
ٹیلر سوئفٹ نے گلوکارہ ریحانہ کو پیچھے چھوڑ دیا ہے
یہ اعزاز ٹیلر سوئفٹ کے 12 ویں موسیقی کے مجموعے دی لائف آف آ شو گرل کی ریلیز کے بعد حاصل ہونے والی کامیابیوں میں ایک اور اضافہ ہے، جو اکتوبر 2025ء میں منظرِ عام پر آیا تھا۔
اس مجموعے کا پہلا گیت The Fate of Ophelia ریلیز کے بعد کئی ماہ تک مقبولیت کی فہرست میں سرِفہرست رہا، جبکہ ان کا نیا گیت Opalite بھی برطانیہ میں مقبولیت کی درجہ بندی میں پہلے نمبر پر موجود ہے اور امریکا کی معروف موسیقی کی فہرست میں نمایاں مقام رکھتا ہے۔
Post time 2026-2-19 16:45:58
