بھارتی ریاست تلنگانہ کے شہر حیدر آباد میں 21 سالہ یوٹیوبر اور سائنس کی طالبہ بونو کوملی نے اپنے کرائے کے فلیٹ میں خود کشی کر لی۔
بھارتی میڈیا کے مطابق پولیس کا کہنا ہے کہ واقعے سے کچھ دیر قبل بونو کوملی نے کویت میں مقیم اپنی والدہ کو پیغام بھیجا تھا جس میں اس نے اپنی والدہ سے محبت کا اظہار کیا تھا۔
بونو کوملی نے لکھا تھا کہ ممی! میں آپ سے بہت محبت کرتی ہوں، یوٹیوبر نے اپنی والدہ سے چھوٹے بھائی کا خیال رکھنے کی درخواست بھی کی تھی۔
بھارت: ڈاکٹر بننے سے انکاری نوجوان کی میڈیکل کالج میں داخلے کے دن خودکشی
بھارتی میڈیا کے مطابق ریاست مہارشٹرا میں 19 سالہ طالب علم نے میڈیکل کالج میں داخلے والے دن خودکشی کی جس کی شناخت انوراگ انیل بورکر کے نام سے ہوئی ہے۔
بھارتی میڈیا کے مطابق بونو کوملی کا تعلق آندھرا پردیش سے تھا اور وہ گزشتہ 11 ماہ سے حیدرآباد میں ایک نجی کالج میں بی ایس سی کی تعلیم حاصل کر رہی تھی، وہ یہاں اکیلی رہ رہی تھی اور یوٹیوب پر لائف اسٹائل اور ذاتی نوعیت کی ویڈیوز بھی بناتی تھی۔
پولیس کے مطابق جب والدہ کو بار بار کالز کا جواب نہ ملا تو انہوں نے بیٹی کی ایک دوست کو اطلاع دی، دوپہر کے وقت فلیٹ کا دروازہ توڑنے پر اندر سے بونو کی لاش ملی۔
ابتدائی تحقیقات میں طویل عرصے سے جاری ایک رومانوی تعلق میں اختلافات کے باعث ذہنی دباؤ کا شبہ ظاہر کیا گیا ہے۔
بھارت: نوجوان نے انسٹاگرام پر پوسٹ کرنے کے بعد خودکشی کر لی
بھارتی ریاست مہاراشٹر کے ضلع سولاپور میں ایک نوجوان نے انسٹاگرام پر پوسٹ کرنے کے بعد خودکشی کر لی۔
پولیس کا کہنا ہے کہ متوفیہ ایک سافٹ ویئر انجینئر اور یوٹیوبر کے ساتھ 3 سالہ تعلق میں تھی تاہم حال ہی میں دونوں کی علیحدگی ہو گئی تھی، متوفیہ نے 6 ماہ قبل بھی خودکشی کی کوشش کی تھی۔
بھارتی میڈیا کے مطابق لاش کو پوسٹ مارٹم کے لیے اسپتال منتقل کر دیا گیا ہے۔
پولیس نے مشتبہ موت کا مقدمہ درج کر کے فون ریکارڈنگز، پیغامات اور قریبی افراد کے بیانات کی بنیاد پر تحقیقات شروع کر دی ہیں۔
Post time 2026-2-26 14:31:11
