قبرص میں برطانوی فوجی اڈے ایکروٹری پر ہونے والا ڈرون حملہ ایران نے نہیں کیا۔
غیر ملکی میڈیا کی رپورٹس کے مطابق برطانیہ نے تصدیق کی ہے کہ قبرص میں برطانوی ایئر بیس ایکروٹری پر 2 مارچ کی شب ہونے والا ڈرون حملہ ایران کی جانب سے نہیں کیا گیا۔
برطانیہ کے محکمۂ دفاع نے کہا ہے کہ پیر کی شب ایکروٹری پر ایرانی شاہد نما بغیر پائلٹ ڈرون سے حملہ کیا گیا تھا لیکن یہ ڈرون ایران نے لانچ نہیں کیے تھے۔
برطانیہ قبرص میں اپنے اڈے کی حفاظت کیلئے بحری جہاز بھیجے گا، وزیراعظم کیئر اسٹارمر
لندنبرطانوی وزیر اعظم کیئر اسٹارمر نے کہا ہے کہ...
میڈیا رپورٹس کے مطابق 2 اور 3 مارچ کی درمیانی شب اس ڈرون نے برطانیہ کی جدید ریڈار تنصیبات کو چکما دیا۔
حملے کا جواب دینے کے لیے لڑاکا طیارے اور دنیا کے صفِ اوّل کے جنگی طیارے F-35 تعینات کیے گئے تھے۔
اس کارروائی سے بیس کے رن وے کے قریب ایک ایئر کرافٹ ہینگر کو محدود نقصان پہنچا تھا۔
ابتداً قبرص کی حکومت نے تصدیق کی تھی کہ برطانوی فوجی اڈے ایکروٹری پر ہونے والا ڈرون حملہ ایران نے کیا تھا جس سے محدود نقصان ہوا۔
اب برطانوی وزارتِ دفاع نے 4 مارچ کی شب سوشل میڈیا پوسٹ میں کہا کہ وزارتِ دفاع تصدیق کرتی ہے کہ 2 مارچ کی نصف شب میں ایکروٹری پر ہونے والا شاہد نما ڈرون ایران سے لانچ نہیں کیا گیا۔
اس اعلان کے بعد قیاس آرائیاں شروع ہو گئی ہیں کہ ممکنہ طور پر حملہ لبنان سے کیا گیا ہو، جہاں اسرائیل نے حالیہ دنوں میں کارروائیاں کی ہیں۔
Post time 2026-3-5 18:07:14
