|
|
فائل فوٹو
برطانوی حکومت نے اعلان کیا ہے کہ مشرقِ وسطیٰ میں بڑھتی ہوئی کشیدگی کے پیش نظر دبئی میں موجود برطانوی شہریوں کے انخلاء کے لیے آئندہ ہفتے ایک خصوصی چارٹر پرواز چلائی جائے گی۔
حکام کے مطابق یہ پرواز دبئی سے روانہ ہوگی تاکہ وہ برطانوی شہری جو خطہ چھوڑنا چاہتے ہیں انہیں محفوظ طریقے سے واپس لایا جاسکے۔
برطانوی حکام کے مطابق اس سے قبل عمان کے دارالحکومت مسقط سے برطانوی شہریوں کے انخلاء کے لیے 2 پروازیں روانہ ہو چکی ہیں جب کہ ایک اور پرواز اتوار کو روانہ ہونے والی ہے۔
بین الاقوامی میڈیا کی رپورٹ کے مطابق عرب امارات میں جاری کشیدگی کے دوران ہفتے کے روز فضائی دفاعی کارروائی کے نتیجے میں گرنے والے ملبے سے ایک رہائشی ہلاک ہوگیا جبکہ عرب امارات کے قریب ڈرون حملے کی ویڈیو بھی سامنے آئی ہے۔
دوسری جانب ایرانی صدر نے اپنے بیان میں کہا ہے کہ ایران اپنے ہمسایہ ممالک پر اس وقت تک حملہ نہیں کرے گا جب تک اس پر پہلے حملہ نہ کیا جائے۔ |
|
Post time 2026-3-8 20:52:13